KABANATA 59

Austin's POV

Nang mga oras na iyon ay nasa kulungan na kami, kaharap ko si Milka sa investigation room. Nakamasid sa amin ang mga police sa labas ng malaking mirror wall na pumapagitan doon. Nakatingin siya sa akin at halatang tinatantya ang galaw ng katawan ko.

"Milka, sino ang nag-aruga sa'yo? Bakit nahiwalay ka sa kapatid mo?"

"Dahil sa magaling na mama ni Sharina." Walang amor na sambit nito.

"What do you mean?" tanong ko.

"Ihiniwalay nila ako dahil sakitin ang kapatid ko noon. They choose who must live and continue. They choose Sugar instead of me. Ang sabi nila, ibinigay nila ako sa isang kumadrona. Napunta ako sa malayong lugar, naging anak ng magsasaka at nabuhay ng mahirap. Pero alam kong mayroon akong kakayahan at katalinuhan kaya nag-aral ako. Nagtrabaho ako sa isang pamilya, hindi ko alam na may ilegal na negosyo sila, napasok ako sa grupo nila, naging hitman at heto nga't nahanap ko ang kakambal ko through media. Nagpakilala ako at naging katuwang niya sa mga problema