Chapter 46

“May sakit ka ba?”

Napakurap ako nang maramdaman ang palad ni Gin sa noo ko.

“Wala naman ah.”

Inalis ko ang kamay niyang nasa noo ko saka umiwas ng tingin. Kasalukuyan kaming nasa crime scene na kaninang tanghali lang natagpuang patay ang biktima. Kararating lang namin dito pero agad akong nahilo nang maamoy ang dugo. Bago pa lang iyon kaya ilang oras pa lang natatagpuan ang biktima.

Iba na ang timpla ng mukha ko simula pagkarating namin dito at napapansin na iyon ni Gin. Pero hindi naman talaga ito ang dahilan kung bakit para akong pinagbagsakan ng langit at lupa ngayon. Sa totoo lang ay wala akong tulog. Ilang araw na! Kung saan-saan na lang kami napapadpad ni Gin at nagsisimula na akong magsawa sa ginagawa namin.

“Let’s go somewhere.” Hinila ako ni Gin pabalik sa sasakyan namin at wala akong nagawa kundi magpatianod dahil hanggang ngay