Chapter 18: Where are you?

AYEISHA

-

“MISS ASHA!” dinig kong sigaw ni Kalei.

Palabas ako noon ng bahay.

“Ayoko, Mommy! Gusto ko si Miss Asha po!”

Nilingon ko na ang taas nang marinig ko ulit ang boses ni Kalei. Ako nga talaga ang tinatawag niya.

Nakita ko si Kalei na nagpupumiglas sa pagkakahawak ng ina niya hanggang sa makawala siya.

"Ano ba, Kalei! Ako na nga ang magbibihis sa 'yo!" habol ni Jena sa anak.

"Miss Asha!" tawag sa akin ng bata.

"Kalei," ani ko at lumapit sa hagdan para salubungin siya. "Dahan-dahan naman baka madapa ka!" ani ko.

"Bumalik ka na dito, Kalei, para makaalis na tayo!" sigaw ni Jena mula sa pintuan ng silid ni Kalei. Tumingin pa siya sa akin at bahagyang kumunot ang noo. Ngayon pa lang niya ako nakita mula nang dumating siya.

"Ikaw si Asha?" tanong niya sa akin.

"Opo," sagot ko.

"Ah, okay. Aalis kasi kami mayamaya. Pakibihisan naman siya, ikaw daw ang gusto niyang magbihis sa kan'ya, e."

"Sige po," ani at yumuko.

Pag-angat ko ng tingin, tumalikod na siya, papunta siya sa silid ni King