CHAPTER 2

Nang sumunod na araw ay nagising si Khrystal na walang mabigat na dinadala sa kanyang dibdib. Iyon ay dahil sa alam niya na kung paano ang makaganti sa mga masamang ipinapakita sa kanya ni Beast.

Dati kasi tuwing magigising siya ay lagi siyang umiiyak at lugmok lang sa isang sulok. Ngunit ngayon ay nakakaramdam siya ng pagkasabik dahil sa gusto niyang makita ang reaksyon sa mukha nito.

Ngumiti siya habang tinitingnan ang kanyang sarili sa salamin. Nakita niya na may pagbabago ng nangyari sa sarili niya. Nawala na ang panlalalim at pangingitim sa paligid ng kanyang mga mata dahil sa hindi na siya umiyak at masarap ang tulog niya kagabi. Nag-inat siya pagkatapos para maging mas maayos ang aking pakiramdam niya bago pumunta sa banyo. 

Mayamaya ay nakarinig siya nang mahihinang katok mula sa pinto ng kanyang kuwarto. Mabilis niyang sinuklay ang kanyang buhok bago niya ito binuksan. Nakakahiya naman kasi kung pagbubuksan niya iyong tao tapos mukha siyang bruha, baka kasi kung si John 'yon ay masabihan na naman siya ng kung ano kaya naghanda na siya. 

"Hey, baka puwedeng ipagtimpla mo ako ng kape para magkaroon ka naman ng pakinabang. Ang sakit kasi ng ulo ko saka wala si manang para gawin 'yon," nakasimangot na sabi niya sa akin sabay hawak sa kanyang sintido. Mukhang masakit pa ata ang ulo niya. Pero pakiramdam ko mas sasakit ang ulo ko sa asal niya. 

"Wow ha? Katulong mo ba ako? Kung makapag-utos ka talo mo pang binayaran mo na ako," mataray na sabi niya habang nakataas ang kanyang kilay. 

"Sige na, ipagtimpla mo na ako. Di ba asawa kita?" seryosong sagot niya pagkatapos ay bastos na tumalikod papunta sa kanyang kuwarto. 

"Edi wow, asawa mo lang ako sa papel kaya wala kang karapatang mag-demand sa akin ng ganyan. Pero sige dahil mabait ako ay ipagtitimpla na kita! Baka mamaya mamatay ka pa dahil sa sakit ng ulo mo maging mamamatay tao pa ako," nakangising sagot niya rito. 

Nanlaki ang mata ni Khrystal dahil unti-unting lumalapit sa kanya si John. Napapalunok na lang siya ng laway dahil sa kabang nararamdaman.

Naka-boxer at sando pa naman siya tapos idagdag pa na kita ang mga kalamnan nito sa braso at binti. Hindi niya alam kung ano ba dapat ang kanyang magiging reaksyon dahil ito pa lang ang unang beses na makakita siya ng gano’ng kakisig na katawan kaya di niya mapigilang mapaatras. 

"Bakit ka umaatras asawa ko?" nakangising tanong niya. "Bakit para kang kinakabahan? Akala ko ba matapang ka? Hanggang salita ka lang ata e!" 

Dahil sa pambubuska niyang ginawa ay nagpantig ang kanyang tainga kaya saktong paglapit niya ay buong diin niyang inapakan ang kanang paa niya. 

"Holy shit! Why did you do that?" galit na tanong ni John habang nakahawak sa kanyang paa at namimilipit sa sakit at maipinta ang mukha. 

"Oops! Pasensya na, akala ko kasi sahig ang inapakan ko. Sige na, magtitimpla na ako ng kape mo." 

Mabilis na siyang umalis sa harap ni John dahil baka makaisip pa siya ng kung ano para makaganti. Napapangiti na lang siya dahil sa kamalditahang ginawa niya. “Akala niya magpapatalo pa ako sa kanya ha! Never!” 

Dumiretso na siya sa kusina para ipagtimpla ito ng kape. Pagkatapos niyang kumuha ng mug ay pumunta na siya sa harap ng kabinet kung saan nakalagay ang kakailanganin niya para ipagtimpla si John ng kape. Kalahating kutsarang kape, dalawang kutsarang asukal at isang kutsarang coffee matte ang inilagay niya sa baso. Pagkatapos ay nilagyan niya nang mainit na tubig at hinalo ang kape. 

"Hmmn...Ang sarap sana lagyan ng lason 'tong kape kaso huwag na lang baka masayang lang ganda ko dahil baka makulong pa ako kapag ginawa ko ‘yon," mahinang sabi niya sa kanyang isip pagkatapos ay binitbit  niya na ang tinimplang kape. 

Habang umaakyat siya sa hagdanan ay nakita  niya ang wedding photo nilang dalawa na mukhang masaya. "Mukhang hanggang larawan lang ang kasayahang 'yon" malungkot na bulong niya pagkatapos ay tumingin sa pinto ng kuwarto nito. 

Ibinaba niya ang basong dala sa lamesa na nakalagay malapit sa dingding ng kuwarto ni John. Pagkatapos ay kumatok siya para malaman nitong handa na ang kape niya. Pagkarinig ni Khrystal na humahakbang na ito papunta sa pinto ay mabilis na siyang naglakad pabalik sa kanyang kuwarto. Napabuga na lang siya ng hangin nang makapasok siya sa kanyang kulay pink na kuwarto. 

"Ang galing mo talaga Khrystal, bilib na ako sa 'yo," tuwang-tuwa na sabi niya pagkatapos ay patalong humiga siya sa kanyang kama. 

Kinuha niya ang kanyang cellphone na nakalagay sa maliit na lamesang katabi ng kanyang kama. Nag-browse muna siya sa kanyang F******k pagkatapos ay agad na binisita ang aking Messenger ng wala akong makita ay pinindot niya na lang ang Mp3 Music Player at nakinig ng paborito niyang kanta na Perfect na inawit ni Ed Sheeran.

I found a love for me 

Darling just dive right in 

And follow my lead 

Well I found a girl beautiful and sweet 

I never knew you were someone waiting for me 

Cause we were just kids when we fell in love 

Hindi pa rin siya makapaniwala na sa edad niya na labing-walo ay may asawa na agad siya at ang malala pa ay mukhang bipolar pa ata dahil sa madalas na pagbabago-bago ng ugali nito. 

Not knowing what it was 

I will not give you up this time 

But darling, just kiss me slow, your heart is all I own 

And in your eyes, you're holding mine 

Noong unang nakita ito ni Khrystal ay inakala niyang ito na 'yong prinsipeng hinihintay niya na dumating at pumalit sa lalaking matagal niya ng crush simula noong elementary pa lang sila at idagdag pang kababata niya. 

Baby, I'm dancing in the dark with you between my arms 

Barefoot on the grass, listening to our favorite song 

When you said you looked a mess, I whispered underneath my breath 

But you heard it, darling, you look perfect tonight 

Tanda niya pa na pagkatapos ibalita ng daddy niya na ikakasal siya kay John ay nagsayaw pa sila sa stage habang pinapanuod ng maraming tao. 

Pakiramdam niya ay isa siyang prinsesang isinasayaw ng isang prinsipe. Idagdag pa na naka-gown siya na kulay pink na katulad ng suot ni Barbie at si John naman ay naka-tuxedong itim at may puting collar na katulad ng suot ni Ken. 

Nagkasulubong pa nga ang mga mata nila noong sumasayaw sila ng hindi sinasadya. Ang totoo niyan kilala ko siya kasi nakikita ko na ang mukha niya sa mga commercial. Isa kasi siyang modelo at may-ari ng sarili nitong advertising company. 

Ilang beses niya na rin bang nasabi sa isip na ang guwapo nito para sa kanya noon. Pero ngayon kinamumuhian niya na ito. Sa lahat kasi ng ayaw niya iyong pinaparamdam sa kanya na hindi siya gusto. Papayag-payag siyang magpakasal tapos aasal siya na akala mo walang pinag-aralan. 

"Khrystal Kenn, strike two!" tuwang-tuwa na sabi niya habang nagpapadyak sa kanyang kama. 

Oo nga pala, bukas ay may pasok na siya sa school dahil Lunes na. Makikita niya na naman ang mga immature niya na kaibigan. Gusto na rin niyang pumasok para naman kahit papaano ay makaiwas siya kay Beast dahil baka tumanda agad siyang tingnan dahil sa stressed sa kanyang asawa. Ito na lang kasi ang tanging paraan para makatakas siya sa malungkot na bahay na 'to. 

Mayamaya ay bigla na lang siyang napahikab pagkatapos ay dahan-dahang napapikit ang kanyang mga mata dahil sa bigla na lang siyang nakaramdam ng antok dahil na rin siguro unti-unti ng nakakabawi ang kanyang sarili sa mga nakaraang problema na naranasan niya noon. Ngayon kasi ay panatag na siya dahil kaya niya ng ipagtanggol ang sarili mula kay Beast.

Saktong natapos ang kanta ay napunta na rin siya sa kanyang panaginip kung saan nakikita niya ang sarili at si Beast na magkahawak ang kamay.