CHAPTER 16

DANICA TRINA....

Tatlong araw s'yang wala sa hacienda dahil sa sunod-sunod na mga meetings n'ya sa mga client. Ang dami n'yang ginawa at pagod na pagod ang kan'yang katawan.

Mag-isa s'yang umalis ng hacienda at mag-isa din s'yang bumalik. Madilim na ng marating n'ya ang mansion.

Agad s'yang bumaba sa kan'yang 4x4 Raptors na dala at pumasok sa loob ng mansion. Malayo pa lang s'ya naulinigan n'ya na ang boses ni Ontoy na parang nag-aalala at balisa.

"Nay baka may gamot ka pa d'yan pahingi muna," narinig n'yang sabi ni Ontoy. Hindi muna s'ya pumasok at nakikinig lamang sa dalawa.

"Aba bakit sino ba ang may sakit Ontoy?" tanong ni nanay Meldy rito.

"Si Joshua nay! Ang taas ng lagnat at may malaking sugat sa palad. Nalapnos ng lubid ng mga baka kanina," sagot nito. Biglang kumabog ang kan'yang dibdib ng marinig ang pangalang binanggit ng kan'yang taohan.

"Ano? At bakit naman nalapnos? At bakit nilagnat? Naku naman Ontoy pinabayaan mo ba si Joshua? Sayo ko ipinagkatiwala ang batang iyon," si