BILLIONAIRE'S SPECIAL MENU C56

MELCU CHUCK...

Para s'yang lutang ng nagmaneho patungo sa kanilang hideout ng mga pinsan. Hindi n'ya alam kung bakit doon s'ya dinala ng kan'yang pagmamaneho.

Bumaba s'ya ng sasakyan ng makarating at pumasok sa loob. Pabagsak s'yang naupo sa sofa habang igting ang mga panga at kuyom ang mga kamao. Bahagya n'yang nilingon ang isang envelope na bitbit n'ya mula sa bahay ni Courtney kung saan ay nakalagay ang lahat ng mga kakailanganin n'ya sa paghahanap dito.

Kahit masakit sa kan'ya ang natuklasan ay kailangan n'ya pa ring makita ang asawa para maitanong dito kung bakit nagawa s'ya nitong lokohin.

Hindi n'ya lubos maisip na magagawa ito ni Courtney sa kan'ya. Ngunit kahit ganon ang kan'yang natuklasan ay may bahagi pa rin naman ng kan'yang puso na hindi naniniwala na magagawa iyon ng asawa sa kan'ya.

Tumayo s'ya at tinungo ang bar counter. Kumuha s'ya ng isang bote ng whisky at binuksan iyon. Hindi na s'ya nag-abala pang magsalin sa baso. Agad n'yang tinungga ang naturang inum