DEAL WITH THE TYCOON BILLIONAIRE C90

FLASHBACK...

Nang malaman ang lahat at mapagtagpi-tagpi ang mga nangyari ay bumuo s'ya ng plano. Ngunit talagang demonyo si Amera dahil pati ang sarili nitong mga anak ay dinamay nito sa kabaliwan.

Sinisisi n'ya ang kan'yang sarili dahil sa nangyari sa mga bata ngunit sa kabilang banda ay nagpapasalamat pa rin s'ya dahil ligtas ang mga ito at sa wakas ay nakuha n'ya na at nakawala na ang dalawa mula sa demonyong ina.

Nagkunwari s'yang galit sa asawa para hindi nito mahalata ang kan'yang totoong pakay. Napaka inosente ni Connor sa mga bagay-bagay at madaling mauto ng mga babae. Naalala n'ya lang noong una n'ya itong makita sa bar na pag-aari ng kan'yang kapatid.

Akala siguro nito ay wala s'yang kasama at delikado para sa kan'ya na mag-isa sa lugar na iyon dahil sobrang bata n'ya pa ng mga panahon na iyon.

Doon nagsimula ang kan'yang nararamdaman na paghanga kay Cayden. At sa murang edad ay natuto s'yang mag-imbestiga tungkol sa lalaki. Mabuti na lang at nasabi sa kan'ya ng kapatid na f