Chapter 21 (Part 1)

Chapter 21 (Part 1)

Naghiyawan ang mga ka-batch mate ni Amara Stephanie nang umere sa buong gymnasium ng San Ramon National High School ang modernong musika.

“Tara, Estepanya. Sayaw tayo!” pinaypay siya ni Meimei na nasa gitna na kasama ang ilang mga kaklase nila.

Buhay na buhay ang lugar at hindi na niya nakikita ang dating gymnasium nila noon na nagagamit lang kapag intramurals. Magarbo ang dekorasyon na kulay blue ang tema.

Malaki ang pinagbago ng SRNH, mula sa mga classroom—na nadaanan nila kanina, sa covered court kung saan madalas niyang pagtambayan, ang malaking oval kung saan sila nagbibilad sa araw sa tuwing umaga ng lunes para sa flag ceremony, ngayon ay sementado na at may bubong.

“Lakas makapanira ng gabi a****a!” maktol ni Analyn at pabagsak na umupo sa tabi niya.

Bagay na bagay rito ang suot na off-shoulder semi-long gown. Hindi nakapapagtakang halos hindi mapuknat ang tingin dito ng dating presidente ng student council na si Jero