Chapter 25 BIPR

AMBER POV

Nakaupo ako sa upuan sa labas ng pinto ng kuwarto ni Nanay kung saan ito naka-admit. Tapos na kasi ang ginawang operasyon kay Nanay kanina at inilipat na ito sa regular room. Kahit nasasaktan pa rin ako hanggang ngayon naniniwala pa rin ako na mahal ako ni Lord dahil hindi Niya pinabayaan ang Nanay ko na mawala sa amin.

Pakiramdam ko worth it iyong pagpapakababa na ginawa ko para lang madugtungan ang buhay ni Nanay. At hinding-hindi ko pagsisisihan na pinili ko ang buhay ni Nanay kaysa sa sarili ko. Hindi ko kasi kayang makita na masaktan ang Tatay at mga kapatid ko.

"Amber." Mabilis akong napalingon sa kaliwa ko nang marinig ko ang boses ni Tatay.

"Tatay," sabi ko at tumayo para tulungan itong ibaba ang paper bag na hawak nito.

May hawak pa kasi itong paper cup sa kanang kamay nito.

"Salamat, Anak," sabi nito at umupo sa tabi ko. "Kumain ka na muna, Amber, kanina ka pa walang kain eh."

"Ayos lang po ako, Tatay."

"Kumain ka," pagpupumilit nito at inilagay sa kamay ko an