Chapter 36: What if?

Camilla Point of View

Hawak ko ang aking noo nang magising ako. Ang huling natatandaan ko ay tinakasan ko ang tauhan ni Akihiro sa resthouse niya kahapon, at ngayon nakabalik na ako sa Maynila.

Hindi ako umuwi sa condo niya kahit na nandoon naman ang mga gamit ko. Para saan pa? Panigurado naman wala ro'n si Akihiro dahil honeymoon nila ng asawa niya.

“Mabuti't gising ka na,” bungad sa akin ni Odessa. Nandito ako sa apartment niya, dito ako tumuloy. Broken ako, wala akong ganang pumasok sa opisina. Sa totoo lang nawawalan na ako ng gana magtrabaho sa kumpanya niya. Dapat siguro magresign na ako?

“Bakit nandito ako sa kuwarto mo, Dessa? Hindi ba't nasa sala tayo?” tanong ko. Isinandal ko ang aking likod sa headboard ng kama nang makabangon ako mula sa pagkakahiga.

Lumapit siya sa akin, at naupo sa gilid ng kama. “Hindi mo ba natatandaan?”

Umiling ako. Wala akong ibang natatandaan, basta ang huling naalala ko kagabi, umiyak lang ako nang umiyak kasi ang sakit na ng dibdib ko. Sa s