CHAPTER 112.7: DEAL

Bella’s POV

Umalis ako sa pagkakayakap ko kay Jarvis at tumingin sa mukha niya. Isang masayang ngiti ang nakita ko nakapaskil sa kanyang labi pati na ang kanyang mga mata ay kumikislap sa tuwa.

Lihim ako napangiti dahil doon. Lubos na nagagalak ang puso ko na okay na kami ni Jarvis.

Sobrang gaan ng pakiramdam ko ngayon.

“Ano ang iniisip mo, Bella?” marahan na tanong niya sa akin.

Napangiti ako sa tanong niya sa akin. Walang imik na kinuha ko naman ang kanyang kamay at pinaglaruan ito. “Kumusta kana ngayon, Freak?”

Napataas ang kanyang kilay na kinangiti ko lalo. “Freak… Hmmm…” tumatangong wika niya. “Namiss ko ang pagtawag mo sa akin niyan.”

“I know,” mahinang usal ko.

“Mabuti naman ang kalagayan ko, Bella. Naagapan naman ang lason sa katawan ko. Nagpapasalamat na rin ako na binigyan ako ng lalaki na nakamask ng antidote kung hindi ay kumalat na ito sa buong katawan ko,” mahabang sabi niya.

Napatitig ako sa kamay ni Jarvis. “Ano ang tingin mo sa lalaking iyon?” mahina kong tanong sa k