Chapter 107

Pagdating sa bahay ni Richard ay dumiretso ako agad sa room niya at mabilisang nag-shower. Sa buong maghapon na nasa shoot ako, feeling ko ay naglalagkit ako. Habang nasa banyo ako ay pinapakiramdaman ko kung umakyat din ba ang boyfriend ko, pero wala akong narinig na kahit na anong kaluskos. Iniwan ko siya kanina sa sala pag akyat ko rito. Hindi ko tuloy sigurado kung nakatulog ba siya roon, nakapikit na kasi siya nang iwanan ko kanina.

Pagbaba ko mula sa kuwarto ay nakita kong ganoon pa rin ang ayos niya. Baka sobra lang napagod, hinayaan ko na muna siya makapagpahinga. Gigisingin ko na lang siya kapag natapos ko na ang balak kong gawin. Gusto ko kasing gumawa ng churros, nakapanood ako ng video online last week kung paano ang gumawa ng churros. Mabuti na nga lang at nakapag grocery kami ni Richard last week kaya sigurado ako na kumpleto ang ingredients sa pantry niya.

May nadaanan na naman kasi akong video online kanina at bigla akong nag-crave. At dah