Chapter 24

Eli

Diretso ang tingin ko sa daan habang naglalakad pauwi. Sa dami kong iniisip ay halos humabog na ang utak ko. Napakabilis ng mga pangyayari. Noong mga nakaraang linggo lang ay naging magsyota sina Theo at Yumi. Magkasama pa silang umattend sa birthday celebration ko pagkatapos ay bigla-biglang nagkahiwalay silang dalawa. At ang nakakagulantang na twist ay ako ang rason kung bakit hiniwalayan ni Theo si Yumi.

Gusto niya daw ako. Matagal niya na akong gusto. Noong una ay mahirap itong paniwalaan dahil kilala ko si Theo bilang isang tigasin at straight na lalaki. Ni hindi nga pumasok sa isip ko na interesado pala siya sa akin noon pa.

Noong ipagtapat niya sa akin ang tunay niyang nararamdaman at ikuwento kung paano siya unti-unting nagkakakgusto sa akin ay parang lumutang ako sa ere. First time na may isang tao na nagtapat sa akin ng ganoon kaya aaminin kong sobra akong ki