Chapter 22

Si Dona ay liberated, kung siya ang manghihikayat kay Sir Jobet ay paniguradong lalandiin  niya ito. Kung bilang si Kai naman ay magmamakaawa ako sa kan’ya. Ang sabi ni Ice ay huwag ko daw kakaligtaan si Fire. Ano ba ang ibig niyang sabihin? Kukuhanan ko ng pictures si Sir Jobet sa bawat anggulo para mapapayag ko siya?

“Hindi mo ba gusto ang pagkain?” tanong ng babae na nasa aking tabi nang padabog kong maibaba sa plato ang kutsara.

Nasa pribadong kwarto kami ng gusali at kumakain ng pananghalian. Dumagdag pa sa aking pagkayamot ang kakaunting pagkain na inihanda para sa amin. Hindi man nila sabihin ay nakukuha ko ang gusto nilang mangyari, iyon ay ang mapanatili ang magandang hubog ng pangangatawan ng mga babaeng ito. Iyon ang dahilan kung bakit simula pa kaninang umaga ay halos ayaw na nila kaming pakainin ng maayos.

“Gusto. Dumulas lang kasi,” pagpapalusot ko.

Isang oras ang ibinigay na breaktime sa amin. Bawal lumaba