Chapter 21

Ang kwintas na aking suot ay otomatikong kumokonekta sa cellphone na ipinadala sa akin ni Rain bago ako pumunta dito sa Sta. Monica. Mayroon siyang access sa cellphone na ito kung kaya’t sa oras na mailipat ang video ay nabubura na ito.

Maliit na hakbang pa lamang ang aking naggagawa subalit pakiramdam ko’y mas lalong lumakas ang aking loob na matatapos ko ang misyon na ito sa malinis na paraan.

Hindi pa sumisikat ang araw kinabukasan, bitbit ang isang maliit na bag laman ang aking mga damit, ay naglakad na ako patungong covered court. Dito ang sinabing meeting place namin ni Sir Jobet. Pagdating doon ay nagulat ako na makita ang ilang menor-de-edad na babae na naghihintay sa labas ng van. Sa bilang ko ay labing-lima kaming lahat.

Naagaw ng aking pansin ang isang batang babae na palagi kong nakikitang nakikipaglaro sa ilang bata ng mga nakaraang araw. Halata ang pagiging inosente sa kan’yang mukha. Tila ba kinakabahan siya at panay ang lingon s