Chapter 16

MAAGANG BUMANGON si Richell sa higaan, nagluto siya ng paboritong sinigang na baboy ng kanyang ama. Hinaluan niya iyon ng maraming sibuyas tulad ng gusto nito at nagsaing, gumawa rin siya ng paborito nitong avocado shake. Malaki ang ngiti sa kanyang mga labi dahil sa kapayaan ng kanyang kalooban.

"Tay, gising na ho masarap ho ang agahan na'tin ngayon," pagtawag niya dito. Pumanhik siya sa papag na higaan nito at nakita niya itong kakabangon lang. "Nagluto ho ako ng paborito niyo 'tay," masayang bungad niya. Ngumiti rin ang kanyang ama bago tumayo.

"Ikaw talagang bata ka inuubos mo lang sa'kin ang sahod mo." Inalalayan niya ito pababa.

"Syempre naman ho 'tay wala naman ho akong dapat na paglaanan ng sahod ko kundi kayo, tatay kita remember."

"Bakit nakakalimutan mo bang tatay mo ako?" Pabirong tanong nito.

"Naku, makalimutan ko nalang na inlove ako wag lang ang gwapo kong tatay." Kinurot nito ang tagiliran niya kaya natawa siya ng mal