Kabanata 1

Meet and Greet

I just woke up one day because of Sieme's reaction. Nahinto naman siya sa kakatalon no'ng makita niyang nagising ako. Nag sign of peace lang siya at ngumiti pa at kumakantang pumunta sa banyo.

Ganyan talaga kapag may kasama ka sa apartment na baliw.

Napakamot nalang ako sa ulo ko at tumayo sa pagkakahiga. Inayos ko muna ang buhok ko at pumunta sa kusina para magluto ng agahan. Sa aming dalawa ni Sieme, ako ang mas may alam sa pagluluto dahil bata palang ako ay tinuruan na ako ng lola ko. Marunong naman si Sieme magluto pero hindi ako pumapayag na magluluto siya dahil baka mapano ang apartment.

Baka dumating ang araw na pareho na kaming tustado sa loob dahil iniwan niya ang kaniyang niluluto dahil mas inuna pa ang pagsasayaw ng dance practice kaysa sa atupagin ang niluluto niya.

Pagdating ko sa lamesa, nagulat ako no'ng may pandesal at may hotdog at itlog nang nakahain. Nakahiwalay pa ang itlog at hotdog pati narin ang pandesal. May tasa pa sa gilid ng bawat plato habang may nakalagay na kutsara roon.

Nagluto siya? 

Dali-dali kong tiningnan ang gasul dahil baka hindi niya na-off. Tiningnan ko rin ang lalagyan namin ng mantika dahil baka naubos niya sa pagpriprito.

"Hindi ko inubos no." nagsalita siya galing sa likod ko. 

Humarap naman ako sa kanya at tinaasan siya ng kilay. 

"Anong nakain mo at nagluto ka? Mabuti at hindi mo nasunog 'tong apartment." ani ko habang naglakad patungo sa lamesa at umupo.

Nakabihis na siya ng isang backless na halter croptop at naka jeans. Nag stiletto pa siya dala-dala niya ang kaniyang sling bag.

"Saan ka pupunta?" tanong ko at kumuha ng itlog.

Kinuha naman niya ang baso ko at nilagyan ng kape sa coffee maker.

"Sa meet and greet duh!" umirap pa siya sa akin kaya itinuon ko ulit ang paningin sa pagkain.

Pagkatapos kong sumubo, tiningnan ko naman ang hitsura niya habang ngumunguya. 

"Suot ang ganyan? Pa'no kung makalmot ka at matapilok?" 

Inirapan niya ulit ako at padabog na tumalikod. Narinig ko pa ang mga bulong niya kaya sinigawan ko siya.

"Para kang bubuyog!" sigaw ko sabay tawa. 

No'ng natapos akong kumain, niligpit ko nalang ang natira na pagkain at hinugasan ang pinagkainan ko. Pagkatapos kong maghugas, pumunta naman ako sa kwarto niya at naabutan ko siya roon na nangangalkal sa mga damit niya.

"May raincoat ako roon, gusto mo?" nanunuyang ani ko. 

Matalim naman niya akong binalingan at ibinalik din ang atensyon sa mga damit niya. Tumawa nalang ako at humilata sa kama niya habang pinapanood siyang aligaga sa pagpili.

Sa sobrang dami ng damit, nahihirapan na siyang pumili kung ano ang isusuot niya.

"Pwede ba akong sumama?" tanong ko.

Bumaling naman siya sa akin at lumiwanag pa ang mukha niya, parang nakakita ng anghel sa gyera.

"Sure ka? Baka ma-bored ka lang doon sa paghihintay," saad niya at ibinalik ang paningin sa mga damit niya.

"Bat naman ako ma-bo-bored? Siguro naman ma-e-excite ako roon dahil fan din naman ako nila." ani ko.

No'ng tumahimik siya, kinuha ko na 'yong pagkakataon na umalis sa pagkakahiga sa kama niya. Dali-dali lang akong naligo at pagkatapos blinower ang buhok. 

Nagsuot lang ako ng loose shirt at tinuckin sa suot kong blue jeans. Nagsuot lang din ako ng black and white na low-cut na converse at nagliptint. Nagkuha lang ako ng pera at sinuksok sa bulsa ko para hindi na ako magdala ng sling bag. 

Pagkatapos kong mag-ayos, lumabas na ako ng kwarto at nakita ko pa si Sieme na nakaupo habang nakapatong ang isang hita sa isa pa at nag-c-cellphone. 

Nakasuot siya ng croptop na pag itataas niya ang kaniyang kamay ay makikita ang kaniyang tiyan. Naka-jeans din siya at nagsuot ng white shoes.

Nang mapansin niya ako agad naman niyang pinasada ang kaniyang mga mapanghusgang mata sa aking katawan. Tumaas pa ang kilay niya at tumawa pa.

"Strict ang parents mo teh?" saad niya pagkatapos tumawa.

Napatingin naman ako sa suot ko at ibinalik ang paningin sa kanya. 

Anong mali sa suot ko?

"Bakit? Ganito dapat ang sinusuot kapag may dadaluhang fan event." saad ko.

Umiling-iling siya at ipinasok ang cellphone sa sling bag niya. Tumayo naman siya at hinila ako patungong kwarto niya.

Binitawan niya ako at bigla nalang siyang nangangalkal sa damitan niya. Hindi naman siya nagsalita at bigla nalang inihagis sa akin ang isang hapit sa bewang na off-shoulder na color white at isang black tattered jeans.

"Try mo 'yang suotin para magmukha kang tao." simpleng aniya at humarap sa akin.

Wala akong nagawa no'ng dinilatan niya ako at itinuro ang damit na pinahiram niya. Tiningnan ko pa ang hitsura ng damit bago ako nag-angat ng tingin sa kanya at itinuro ang pintuan. Umirap naman siya at flinip pa ang kaniyang mahaba at straight na buhok bago lumabas.

Ma-attitude eh?

Nagbuntong-hininga ako at tiningnan muli ang damit na parang kinulang sa tela. Nag-aalangan tuloy akong suotin baka makalmot 'yong bewang kong sobrang nipis. 'Yung tattered pants naman, hindi maaasahan. Kulang nalang gupitin lahat para wala nang masuot.

"Aishia buhay ka paba?" narinig kong sigaw ni Sieme sa labas kaya wala akong nagawa kundi maghubad at suotin 'yong pinahiram niya.

No'ng matapos ko nang suotin, pumunta nalang ako sa salamin niya at tiningnan ang  aking sarili. 

Kitang-kita ang tiyan kong walang bilbil. Itinaas ko lang ang suot kong tattered pants na tama lang ang taas. Mas lalong napatunayan na maputi ako dahil sa suot kong black tattered jeans at lowcut na sapatos. 

Narinig ko naman ang pagbukas ng pinto kaya napatingin ako roon. Pagtingin ko, namamangha kaagad na mukha ni Sieme ang nakita ko. Nanlaki pa ang mga mata niya at bahagyang nakaawang ang labi. No'ng ngumiti ako sa kanya, doon lang siya parang natauhan at lumakad papunta sa akin.

"Grabe! Kung meron lang ako, tumayo na ito!" tili niya sa harapan ko.

Ngumiti naman ako at ibinalik ang paningin sa salamin habang sinusuklay ang buhok.

"Hindi dapat 'to tinatago! Dapat ini-emphasize ito!" saad niya habang gumuguhit pa sa hangin ng curve.

"Teka," aniya at bigla nalang akong pinaharap sa kanya. 

Kinuha naman niya ang kaniyang liptint sa bag at nilagyan ako. Siya narin ang nagsuklay ng buhok ko at itinali pa 'yon pa-ponytail kaya nakikita ang collarbone ko.

No'ng matapos niya akong ayusan, may kinuha pa siya sa kaniyang side table na pabango at inispray sa likod ng tenga ko pati narin sa leeg ko at kamay ko. 

"Ayan! Pretty!" masiyang aniya na para bang nagbibihis lang ng barbie sa sobrang tuwa.

"Hindi ba't parang sobra naman yata ka-sexy ito?" ani ko at itinuro ang sarili ko.

Umirap naman siya at nagbuntong-hininga bago pumunta ulit sa closet niya at inihagis muli sa akin ang isang cardigan na jacket. Isinuot ko nalang iyon at sumunod sa kanya palabas ng kwarto. Kinuha ko nalang 'yong cellphone kong nasa table at lumabas ng apartment. Sinirado naman ni Sieme ang pintuan bago kami naglakad patungong terminal ng jeep. 

Hindi ko alam kung saan gaganapin ang meet and greet. Sumunod-sunod lang ako kay Sieme kung saan siya pumupunta. Medyo matagal pa kaming nakarating dahil narin sa traffic. Namamawis narin 'yong leeg ko kaya pinaypayan ko ang sarili ko gamit ang cellphone ko.

No'ng huminto ang jeep sa isang parking sa mall, bumaba naman si Sieme kaya bumaba narin ako.

"Diyan ba gaganapin?" tanong ko sa kanya at itinuro ang mall. Tumango naman siya at hinawakan ang braso ko at sabay kaming naglakad papasok.

"Fan ba kayo ng high-end?" Salubong sa amin no'ng babaeng naka-pwesto malapit sa pintuan.

Tumango naman kaming dalawa ni Sieme kaya tumawa siya.

"Ang ganda niyo naman... Siguro kayo 'yong mapipili sa event mamaya." Aniya at tumingin pa sa akin kaya awkward akong ngumiti.

Tumawa ng malakas si Sieme kaya napatingin sa kaniya 'yong babae. 

"Ah hindi naman po, pero sige, we take that as a compliment po." makapal na ani ni Sieme habang nakangiti parin.

Tumawa naman ang babae sa sinabi ni Sieme at iginiya kami sa event. Sumunod lang kami sa kanya habang si Sieme naman ay kinausap 'yong babae tungkol sa high-ends. Minsan sumasagot naman 'yong babae at minsan siya rin ang tumatanong kay Sieme.

Pagdating namin sa venue, may mga designs na at may mga pictures ng grupo na naka-tarpaulins at may naka-stands. Open stage ang stage na ginawa at nasa gitna lang. May mga wires at may nakahandang microphone na na-nakalagay sa stand. May mga fans narin na may kanya-kanyang grupong nabuo at nag-uusap na sila. Nakasuot sila ng white t-shirt na may print ng mukha ng high-ends. Ang ibang damit ay may maliit na logo ng banda sa kanang dibdib at iba't-ibang surname na nakalagay sa likuran nila. Siguro kung sinong bias mo sa grupo, 'yon ang nakalagay na surname sa likuran mo.

Hindi rin naman nagtagal ay dumating na sila kaya todo tili at kanya-kanyang labasan ng cellphone ang mga fans. Si Sieme ay nakikuha narin ng stolen shots ng banda.

Lumipas ang ilang minuto at nagsimula narin silang kumanta. C-in-over nila 'yong isang kanta ng The Goo Goo Dolls na Iris. Ginawa nilang acoustic version ang kanta kaya malumay. 

'Yong fans ay todo sabay narin dahil hit ang c-in-over nila. Medyo alam ko rin ang kanta kaya minsan napapasabay na rin ako.

"And I don't want the world to see me cause I don't think that they'd understand. When everything made to be broken, I just want you to know who I am..." Si Ken ang huling kumanta bago natapos ang kanta.

"Hello! Are you guys all excited?!" Tanong ni Stell.

Sumigaw ang mga fans kaya tumawa si Stell. Umalingawngaw sa loob ng venue ang tawa niya na ikinatili ng lahat.

"Stell ang sexy!" Sigaw ng isa sa mga fans.

Pabida ulit na tumawa si Stell. "Just like you baby," sabi niya na ikinairap ko.

"Wow. I can't believe that I have a fan who just rolled her eyes on me..." He said while he stared at me.