Kabanata 1.1

"Who is that Stell?" 

"Sino ba 'yan Stell para mabugbog namin?" Sigaw ng isa sa mga fans.

"Krazy fan." Sigaw ng isa pa.

Nag-iwas ako ng tingin sa kanya. Nagbaba ako nang tingin at ibinalik din naman kaagad at kunwari nakikisabay sa tawa at asaran.

"Haha. Binobola ko lang kayo," sabi niya at slang pa ang pagka-bigkas ng 'binobola.'

"Mukha ba kaming bola Stell?" Sigaw na naman nila.

"Hahaha... You are all my babies." Saad niya bago ibinalik ang microphone sa stand at nag-wave sa lahat.

Kumanta lang sila ng limang kanta at pagkatapos ay bumaba na sila sa stage at nagsimula ng ipatong ang isang mesa at limang upuan.

Siguro diyan sila pipirma sa bago nilang released na album. May signing kasing magaganap dahil 'yong mga bumili ng ticket ay may free album na na pwede mong papirmahan sa kanila.

May mga nagbebenta naman dito sa mall. Gusto nga sanang bumili ni Sieme para raw may remembrance kaso pagtingin namin, umurong kaagad siya dahil sa mahal na presyo.

Bumalik naman sa stage ang High-end na iba na ang suot na mga damit. Naka blazer sila na color blue at nakaitim na panloob. Terno rin ang mga slacks nila sa blazer nila. Ang blazer ay may lining sa braso at may nakatatak na logo nila na nakalagay sa kanang dibdib. 

Siguro diyan nagaya ang t-shirt na suot-suot nang ibang fans.

Pumila na ang mga fans habang may kanya-kanyang bitbit na album. Nakalabas narin ang kanilang mga cellphone na halatang mamahalin.

"Pigilan mo ako Aia, kukunin ko mga cellphone nila." Ani Sieme kaya tinapik ko ang kanyang braso. 

Pinagtitinginan na kami no'ng mga babae sa sinabi ni Sieme kaya ngumiti ako sa kanila. Bumalik din naman ang paningin nila sa stage kaya nakahinga ako ng maluwag.

Ang hirap talaga kapag may kasama kang may saltik. Nakakahiya.

"Wait lang Aia ha? May kakilala ako. Bubudulin ko lang." Biglang sabi niya at dali-daling tumakbo sa kabilang linya, hindi man lang hinintay ang sagot ko.

Umupo nalang ako sa upuan na naka-provide habang hinihintay si Sieme. Kinausap na iyong babae na mukhang mayaman din. Ilang minuto pa silang nag-uusap hanggang sa na-shock nalang ako na bumalik na sa kinaroroonan ko si Sieme na may dalang album ng High-end.

"Oh diba? Nabudol ko!" Proud niyang ani at tumawa-tawa pa.

Ngumiti lang din ako at tiningnan iyong babae na nakatingin narin sa gawi namin. Nakasuot siya ng dress habang may sling bag na naka-pulupot sa katawan niya. Naka-headband din siya at ngumiti sa akin kaya napakurap ako at umiwas ng tingin.

"Mukhang bata ang nabudol mo ah? Hindi ka ba nako-konsesya?" Tanong ko kay Sieme na ngayon ay hinihila na ako habang nakapila na kami para papirmahan niyong binili niya na album.

Bumulong siya sa akin. "Kapatid 'yon ni Stell. Meaning, mayaman iyon! Kita mo 'yong cellphone niya? Iphone 'yun! Bagong version!" Giit niya.

"May kapatid pala si Stell? Akala ko only child." Ani ko.

"Hindi siya only child. Tingin mo papayagan siya ng magulang niya na mag-showbiz pag unico-hijo siya? Kung ako siguro ang magulang, hindi ko papayagan e' no."

Hindi nalang ako sumagot sa sinabi niya at sumabay nalang din sa kanya sa pila. Malapit na kami makapunta sa stage kaya todod ngisay itong si Sieme at halukay sa mga cellphone niya para mang-delete dahil full storage na. 

Pangatlo na kami sa pila at naririnig na namin ang pinag-uusapan ng banda. Kanya-kanya naring halughog sa mga galleries ang tapos na nakapagpa-pirma. 

"Buti nagdala ako ng phone, may selfie pala!" Sabi ni Sieme habang nakatingin sa mga tapos na makapag-papirma.

No'ng pangalawa na kami sa pila, bahagya pang nanginginig si Sieme habang nakatingin na sa banda. Natigil lang siya sa panginginig no'ng biglang tumayo si Ken at umalis sa table. Sinundan naman namin siya ng tingin hanggang sa bumaba na siya sa stage.

Dismayado naman si Sieme na tumingin sa akin at tsaka nilahad sa akin ang album.

"Mag c-cr lang ako." Dali-daling sabi niya at tsaka bumaba ng stage. 

Napakunot ang noo ko at kinuha ang album. Tumatakbo naman siyang papunta sa exit. Hindi ko na siya natingnan kung saan siya papunta dahil tinawag na ako ng staff na ako na susunod. Napanguso ako no'ng kinuha sa akin ang album at cellphone. 

Kailangan pa bang ilabas ang cellphone ko? Pwede namang hindi na ako magpa-picture.

Unang pumirma si Stell hanggang sa pinasa-pasa na nila ang album. Kinuha pa ni Stell ang cellphone ko at binuksan. Nakagat ko ang pang-ibabang labi ko no'ng napakunot ang noo niya at tumingin sa gawi ko. Napayuko lang ako at nilaro-laro ang daliri ko.

Hindi ko alam kung bakit kinakabahan ako. Siguro na-gu-guilty lang ako sa ginawa ko kanina lalo pa't nakita 'yon ni Stell? Pero may possibility naman na baka iba ang nakita niya kaninang umirap at hindi ako. Baka may iba na pumunta lang din dito dahil walang choice. 

Pero napaka-imposible naman yata 'yon. Ang mahal ng ticket para lang magwaldas.

Napatingin ako kay Stell no'ng bigla siyang tumayo at pumunta sa gawi ko. Itinaas niya sa ere ang cellphone ko at biglang clinick 'yon. 

"Your wallpaper is cute..." Si Stell habang hinalughog ang cellphone ko.

Parang babaon na ang ngipin ko sa pang-ibabang labi ko sa sobrang kagat nito. Hindi rin ako makatingin kay Stell at sa ibang kasama niya dahil sa hiya. Rinig ko na ang mga bulong-bulungan ng iba dahil na-delay ang signing dahil sa ginagawa ni Stell.

"The music was completed also..." Mas lalo akong namula sa sinabi niya.

"P-Pwede ko na bang makuha?" Nauutal na ani ko.

Hindi siya nagsalita bagkus ay tiningnan niya lang ako. Kukunin ko na sana ang cellphone ko kaya lang bigla akong napa-abante dahil nasanggi ako sa likod at napahawak pa ako sa balikat ni Stell. 

Oh shit! Too much for this day.

Nanlaki ang mata ko no'ng biglang nawalan ng balanse si Stell. Hindi ko rin mabalanse ang sarili ko dahil natulak pa ako kaya napahigpit ang hawak ko sa balikat niya. Bago pa kami nasaklolohan, nahulog na ako sa stage at sa kasamaang palad, nasama pa si Stell na ngayon ay nasa ibabaw ko na.