Chapter 9

Sa ilang minuto kong pananatili sa labas ng pintuan niya nakaramdam na rin ako ng bahagyang inip kaya nagsimula na akong maglakad papunta sa kwarto ko. Akmang bubuksan ko pa lang ang pinto ng kwarto ko bumukas rin ang kay Jeck kaya mabilis ko 'yong nilingon.

Nakita ko siyang mabilis na lumabas na nakabihis na ng formal attire pero namumula pa rin ng bahagya ang mukha at mga mata at palatandaan 'yon na hindi pa siya gaanong maayos.

"Jeck," mahinang tawag ko kaya natigilan siya at malamig na tumingin sa akin.

Wala sa sarili akong humakbang papalapit sa kanya saka hindi nagdalawang isip na pinakiramdaman ang leeg niya. Mabilis siyang humakbang paatras kaya nabitin sa ere ang kamay ko kaya ngumiti na lang ako ng pilit saka unti-unting binaba 'yon.

"I'm going," matigas na sabi niya kaya napalunok ako bago umiling.

"You are still sick. Mamaya ka na umalis kapag naging maayos ka na ng tuluyan," sabi ko kaya nag salubong ang kilay niya na parang naiinis kaya napabasa ako sa mga labi ko dahil s