Dangerous Man Series 1: Edwyn Patterson

"Bruha! Ano na? Shot na!"

Napairap ako sa pagsigaw ng kaibigan ko sa akin. Nasa bar kami ngayon at walang ginawa kundi ang magsayang ng pera ngayong gabi. Alam kong may tama na kami ng alak pero ayaw pa din nilang tumigil sa kakainom.

May mga pasok pa kami bukas pero sige lang sila ng sige kakainom.

"Oo nga! Shot puno ka ulit!" sigaw ni Des at inabutan na naman niya ako ng isang basong punong-puno.

"A-Ayaw ko," anas ko dahil nahihilo na ako. Baka hindi na ako makauwi nito kapag sinagad ko pa.

"Bawal killjoy, bruha!" sigaw din sa akin ni Cad.

"Sige na, inom ka na ulit. Ngayon na nga lang ulit tayo nagkita-kita at mag-inom ay tatanggi ka pa," pamimilit pa ni Abi.

Tumango-tango din si Sab. "Tama!"

Wala na akong nagawa pa kundi ang tanggapin iyon dahil sa pamimilit nila. Apat silang namimilit sa akin at isa lang akong tumatanggi, kaya talo ako. Napaupo ako dahil mas lalo kong maramdaman ang pagkahilo ko samantala ang mga kaibigan ko ay nagsasayaw sila. Sinasabayan nila ang tugtog na pinapatugtog ng dj.

"Mga bruha!"

Napatingin kaming lahat kay Sab ng bigla niya kaming tawagin.

"Laro tayo? M-May nakita ako sa tiktok 'yung clown na filter ba 'yun?" sabi niya na para bang hindi pa siya sure. "Tapos may nakasaad doon na p-parang utos at g-gagawin niya iyon kapag sa kaniya tumama ang c-clown na filter?"

"Aba, e-ewan namin sa sinasabi mo. I-Ikaw ang nakapanood no'n, eh," saad ni Abi.

Kaya tumango kami. Pinakita sa amin ni Sab ang sinasabi niyang tiktok. Sumang-ayon silang gawin iyon kaya kahit na umayaw ako ay wala akong magagawa.

Tinakpan na muna namin ang aming mga mukha gamit ang palad namin. Tapos nagbilang si Des ng hanggang tatlo lang at doon namin inalis ang palad namin sa mukha. Naghiyawan sila ng sa akin tumama ang clown na 'yun. Nahihilo ako sa sobrang pagkagaslaw nila lalo na't niyuyugyog pa nila ako.

"R-Rai, kailangan mong mag-sent sa random guy na, 'I like you. Do you like me too?' Then sent ka ng picture mong sexy sa lalaking iyon," lasing na sabi ni Sab at napangisi pa.

At dahil sa kalasingan ay hindi ko na alam ang pinaggagawa ko. Basta ang alam ko lang ay kaagad kong kinuha ng cellphone ko. Pumili din ako sa mga ka-friend ko sa f******k na kung saan ko pwedeng i-sent ang sinasabi ni Sab.