Chapter 48

"Wala pa rin ba si, Xavier?" Tanong ni Mr. Oxford.

Lahat sila ay nakapuwesto na sa dining area dahil alas otso pasado na ng gabi. Ngayon ang kaarawan ni Xavier pero hanggang ngayon ay wala pa ang magaling na lalaki.

Hindi niya naman alam kung nasaan ito ngayon dahil wala naman itong sinabi sa kaniya bago ito pumasok sa opisina.

"Tinawagan mo na ba ang kapatid mo, Xander?" Bumaling ang matandang Oxford kay Xander, habang ang isa naman ay tila lutang pa rin hanggang ngayon. "My goodness, ano bang nangyayari sa'yo at sa kapatid mo?! We're having a family dinner tonight pero mga wala kayo sa sarili!"

Napabuntong hininga na lang si Xander pero nanatiling walang kibo. Siya naman ay nahihiyang nakayuko lang. Ngunit sa loob-loob niya'y nakakaramdam na ng pag-aalala para kay Xavier.

Tumikhim siya at hindi na nakatiis. "Tatawagan ko lang po si Xavier, baka marami lang ginawa sa opisina 'yon ngayon kaya na-late ng uwi."

Tumango lang ang ginang habang si Mr. Oxford naman ay tumayo rin at naun