CHAPTER 53

HINDI nga nagbibiro si Cameron, dahil kinabukasan ay pumasok pa rin sa hospital si Charity pero hindi na raw siya maaring bumalik pa.

"Pero bakit? May kontrata ako rito, " aniya sa head ng hospital na 'yon. "Gusto kong makausap ang may-ari ng hospital, please," pakiusap niya sa babae.

Umiling ito. "Ipinag-utos na po ni Sir Cameron Silvestre na hindi na kayo maaring makabalik pa rito," tila final na saad ng babae.

Pero halata niya na tila ilang ito sa kaniya na animo'y isa siyang mataas na tao. Bagay na hindi maintindihan.

"Bakit siya ang masusunod? Siya ba ang may ari ng hospital?"

Umiling ang babae. "Pero siya po ay kaibigan ng may-ari ng hospital at sila po ang nag-usap. Wala na po kaming magagawa roon Dra. Mercaez," anang babae.

Hindi na siya nagpumilit pang makipagtalo. Bakit ba kasi ang lawak-lawak ng kapangyarihan ni Cameron? Bakit ba kahit saan siya magpunta o tumingin ay hawak nito ang lahat? Sumisikip tuloy ang mundo niya. Sa paglabas niya sa hospital ay nakasalubong niya an