CHAPTER 52

HAPON na ng matapos si Charity sa paglilinis sa living room ng mansion na sobrang laki. Kahit anong alok na tulong ni Ms Salve ay tumatanggi siya para walang masabi si Cameron at isa pa, baka mapatalsik pa ang mga kasambahay dahil sa kaniya. Iniba niya ang lahat ng pwesto gaya ng sinabi ni Cameron at nagdagdag siya ng ibang decorations para kahit paano ay mabuhay ang matamlay na living room. Ramdam niya ang pagod at gusto na lamang niyang mahiga. Sa isip niya ay kinukulam na lamang niya si Cameron para kahit paano ay maibsan ang kaniyang inis dito.

"Mommy, are you not done yet?"

Hindi na alam ni Charity kung makailang beses na tinanong na 'yon ni Calista sa tuwing bumababa ito.

"Finally, anak. Mommy is done na!" aniya at niyakap ito nang lumapit sa kaniya.

"Really? Are we going to play na?" Kita ang excitement sa mukha ni Calista nang itanong iyon.

Gustuhin man niyang makipaglaro sa anak pero pagod na pagod na siya sa paglilinis maghapon.

Sabik