Chapter 16

Ikalawang araw na ng paglilinis ni Brianna sa loob ng aking silid, mag-isa lang siya ngayon dahil wala ang kaniyang kaibigan at hindi ko na inalam pa ang dahilan. Sa tuwing nandirito siya ay may kung anong saya akong nararamdaman.

"Decker ipinagluto kita ng ginataang hipon para pananghalian mo, sinamahan ko na rin 'yan ng mainit na kanin. Mamaya initin mo na lang sa microwave mo, huwag kang nagpapagutom." ani niya kaya naman napataas ang aking ulo at tinignan ang hawak-hawak niyang tupperware.

Ibinalik ko ang aking paningin sa screen ng aking computer at nagsimula akong magtipa, ngunit ang isip ko ay hindi naman makapag focus dahil nararamdaman ko ang lungkot ni Bria ng hindi ko pinansin ang sinabi niya.

"Pakilagay sa refrigerator at iinitin ko na lang mamaya, salamat." ani ko sa malumanay na tinig na hindi siya tinitignan.

"Oh my god! I am sure na magugustuhan mo ito." masaya niyang ani at mabilis niyang inilagay ang tupperware sa loob ng refrigerator. Sapat na siguro na marinig ko n