Chapter 19

Maaga pa lang ay gising na ako. Bumaba ako ng unang palapag upang mag-agahan.

"Maaga ka yata ngayon? May importante ka bang gagawin sa opisina kaya ganito ka kaaga ngayon?" ani ni nanay sa akin.

Umupo ako sa kaniyang tabi at ngumiti ako dito ng iniabot sa akin nito ang mabango at mainit na kape.

"May aasikasuhin lang po akong importante sa opisina kaya maaga ako ngayon." ani ko naman dito.

Habang iniinom ko ang kape na bigay sa akin ni nanay ay sumasagi naman sa aking isipan ang magandang imahe ni Bria kaya nawala tuloy sa isip ko na sobrang init ng kape kaya sa sobrang gulat ko ay napatayo ako at natapon ang kape. Naramdaman ko ang init sa aking kamay kaya agad akong napatingin sa namumula kong kamay.

"Jusmiyo! Ano'ng nangyari?" nag-aalalang ani ni nanay at mabilis na kinuha ang aking kamay upang tignan ito. nagmamadali itong pumunta ng kaniyang silid at ng makabalik ito ay pinahiran nya agad ng ointment ang aking kamay.

"Nanay okay lang po ako, wala naman 'yan." natatawa kong ani, a