Chapter13

“Senyorita, narito na po ang gatas n’yo.”

“Salamat, Ate Marisa. Pakipatong na lang dy’an sa lamesa.” 

Si Ate Marisa ang kasambahay na ini-assign ni Madam Anastacia upang mag-alaga kay Lyv. Siya ang personal niyang kasambahay. Tutol man ang babae sa pagkakaroon nito ay pumayag na rin siya kalaunan. Unti-unti, sinasanay na rin niya ang kanyang sarili sa pagiging hands on ng donya sa kanyang pagbubuntis. Iniintindi na lamang niya ang matanda sapagkat alam niya kung gaano kahalaga rito ang sanggol na kanyang dinadala.

Magmula nang lumipat siya sa mansyon, naging madalang pa sa patak ng ulan kung lumabas siya ng bahay. Bukod sa trauma na inabot niya mula sa pagkakadukot sa kanya, naging mas mahigpit ang seguridad ng pamilya lalo na pagdating sa kanya. Sapagkat nakataka