14: KAI

Forgotten by the one who you loved the most is the most painful heartache.

Author's Pov:

Parang nabunutan ng napakalaking tinik si Shan matapos bigkasin ng buong kompyansa ang mga salitang iyon. Binuga ni Shan ang malalim na hininga at humugot muli ng hininga bago ito dahan-dahang pinakawalan tsaka tumingin sa mga mata ni Zach.

Ang asul nitong mga mata ay unti-unting nababahidan ng hindi maipaliwanag na pagtataka, kaguluhan at pagkalito sa sitwasyong mayroon sila. Tinignan ni Zach si Shan ng diretso sa mga mata bagay na nagsimulang nagpatakot sa pagkatao ng dalaga. Minsang pinunasan ni Shan ang mga luhang tumutulo mula sa kanyang mga mata gamit ang dumudugo niyang palad. Wala sa sarili naman iyong sinundan ng paningin ni Zach at kitang-kita sa kanyang mga mata ang walang emosyong ekspresyon.

Ang kanina'y magaang kalooban na namumunga sa puso ni Shan ay unti-unting naglalaho at napapalitan ng pangamba at takot matapos dahan-dahang hawakan ni Zac