CHAPTER 112 “ALWAYS AND FOREVER YOURS 1”

“TOTOO ba ang sinabi mong aalisin ka ng Papa mo sa kompanyang pinaghirapan mong itaguyod mula nang mag-retire siya?” iyon ang naitanong niya kay Joaquin makalipas ang ilang sandali.

Nakahiga na sila noon. At siya ay panatag na nakaunan ang ulo sa matipuno nitong braso.

Sa bigat ng buntong hiningang pinakawalan ni Joaquin ay halatang “oo” ang sagot sa tanong niyang iyon. Pero sa kabila ng lahat ay iba ang narinig niyang isinagot sa kanya ni Joaquin. Hindi tuloy niya alam kung sinasabi lang iyon sa kanya ng asawa niya para mapawi ang pag-aalala niya.

“I don’t think seryoso si Papa sa sinasabi niyang iyon,” anito saka siya nilingon at nginitian.

“Pero paano kung seryoso siya? Willing kabang mawala ang lahat ng pinaghirapan mo sa iyo? Nang dahil sa amin ni Callie?” kusang humina ang tono ng pananalita niya nang sambitin niya ang huli niyang katanungan.

“Mahal na mahal ko kayong dalawa. Kaya ang totoo kahit alisin ako ni Papa sa kompanya, well, oo masasaktan ako kasi marami akong sakripisy