KABANATA 15

Pakiramdam ni Sylvaine ay nawalan siya ng kulay ng mukha matapos tanggapin ang paperbag na naglalaman ng pregnancy test kit. Dinala niya iyon sa loob ng banyo at gustong dasalan na magpositibo ang resulta pero alam niyang malabo iyon.

"Wala pa nga akong isang buwan sa puder niya, gusto niya buntis agad?" bulong-bulong niya.

Kanina pa siya nakikipagtitigan sa mga kit. Sa dami no'n mauubos ang ihi niya tapos negative din naman ang resulta. Bumuntong hininga siya at nagbukas ng limang kit, imbis na ihi ay tubig ang pinatak niya roon. Alam naman niya kasing negative iyon.

"Are you not yet done?" Nagtitimping kumatok si Gray mula sa pinto ng banyo.

Binugso siya ng kaba, "S-andali lang! Limang minuto pa!"

Hindi niya alam kung ano'ng gagawin nito sa kanya kapag nalamang hindi pa siya buntis. Hindi na nga siya natutuwa na agad itong umuwi dahil lang sa tumakas siya at gumastos ng malaki.

"F*ck, tatlumpung minuto ka na sa loob, hindi ka pa rin tapos?"

Napairap siya kahit pa kinakabahan na. Ang