KABANATA 16

Nakatitig lang si Gray sa papaakyat na Sylvaine. Napangisi siya at nagawa pa nitong maglakad ng tuwid kahit pa alam niyang ngawit ang mga binti nito.

Humithit siya sa sigarilyo at sinenyasan ang mga katulong na linisin ang kusina.

"Mr. Whitlock, masamang balita," ani Enzo matapos tingnan ang cellphone nito.

Napataas ang kilay niya at agad na umigting ang panga. Kapag ganitong masamang balita ay hindi kayang ipagsawalang bahala.

"May nagtangka po muling tapusin na ang buhay ni Ma'am Lea," agad na dagdag nito.

Tumalim ang tingin niya at gigil na tinapon sa sahig ang upos ng sigarilyo.

"Round table, Enzo," madiin niyang bigkas bago umakyat sa hagdan.

Dumiretso sila sa third floor ng mansyon. Agad siyang umupo sa pabilog na mesa bago binuksan ang malaking screen sa harap upang makausap ang mga kaibigan niya.

"Freaking bad news. They are really trying to kill Lea," agad niyang balita.

Nagsalubong ang mga kilay ni Gustavo, "Ayaw mo bang ilipat siya sa ospital ko kaysa paulit-ulit na nangyay