Chapter 42

CASSIE POV

"ANONG GINAGAWA MO RITO?" tanong ni Ate Catelyn nang basta ko na lamang buksan ang pinto ng kuwarto nito at walang paalam na pumasok.

Padabog akong umupo sa kama nito pero hinampas niya ako ng unan sa ulo.

"Bakit ba?" asik ko.

"Tss. Anong ginagawa mo rito? May kuwarto kang sa 'yo, 'di ba?"

"Nando'n si Tristan."

"Oh, eh bakit nandito ka? Masama bang matulog sa kuwarto mo ang asawa mo?"

Masamang tingin ang ipinukol ko kay Ate Catelyn, pero pinandilatan lang niya ako ng mga mata.

"Puwede ba, Cassie, umayos ka nga. Matuto ka ngang ibaba 'yang pride mo, hindi naman nakakagandang babae 'yan."

"Sino ba kasing may sabi sa inyo na papasukin siya sa kuwarto ko–,aray!" Napangiwi ako nang hilahin nito ang buhok ko. "Ano ba, Ate?"

"At anong gusto mo? Dito namin siya papasukin sa kuwarto ko? Gaga ka, malamang sa kuwarto mo kasi ikaw ang asawa."

Lalo akong napangiwi nang mas higpitan nito ang hawak sa buhok ko at batukan ako bago tuluyang binitawan ang buhok ko.

Sinamaan ko siy