Justice

Tahimik ang buong silid habang hinihintay ni Avigail ang pagdating ng abogado. Nasa loob siya ngayon ng isang pribadong law office na matatagpuan sa ikalawang palapag ng isang business complex sa Quezon City. Ang mga pader ay may neutral na kulay—beige at puti—at ang buong lugar ay may malamig na simoy ng aircon na tila nagpapatindi sa kabang nararamdaman niya. Sa loob ng mahigit isang linggo mula nang lumabas ang katotohanang buhay ang anak niyang si Skylie, ito ang unang hakbang niya upang simulan ang paghahanap ng hustisya.

Bumukas ang pinto, at pumasok ang isang lalaking nasa edad kuwarenta. Naka-black suit ito at may dala-dalang leather folder na punung-puno ng papel. Matangkad, maayos ang gupit, at may matalim ngunit mahinahong titig.

"Ms. Avigail Suarez?" tanong nito, sabay lahad ng kamay.

Tumayo si Avigail at tinanggap ang kamay nito. "Ako po iyon."

“Atty. Alfonzo Lim. I was personally referred by Mr. Dominic Villafuerte. He said you need help with a sensitive case. May I?” sa