Chapter 28

TILA nag isip naman si Hannah, feeling naman niya siya ang sadya ng panauhin.

"Ganun po ba, e sino po ba ang panauhin?"

Kumibit-balikat ang kaharap.

"Hindi ko natanong Ineng, pero maganda siya medyo may pagka masungit nga lang."

Maganda? ulit niya sa sarili, ibig lang sabihin babae ang panauhin. Wala siyang ideya kung sino ang babaeng iyon, pero hula niya na baka si Duwayne ang hanap nito.

Baka si Maricar? panghuhula niya ulit. Pero malabo naman mangyari iyon, ano naman ang gagawin nito sa probinsiya? At isa pa in relationship na ito sa dating nobyo niya at abala ito sa shooting ng upcoming movie na "Summer Love".

"No, no, no, no, no." Umiiling na bulong ni Hannah.

"Magandang hapon Iho," narinig niyang bati ni Aling Lilia kay Duwayne ng makalapit ito sa kanila.

"Anong meron?" tanong pa ng binata.

"Nabanggit ko lang kay Hannah na may dumating na panauhin. Babae at mukhang galing ng Maynila." Sagot naman ni ALing Lilia. "Maiwan ko