Chapter 1

“Naya, kumusta naman ang school mo?”

Natigil ang dalaga sa pagsubo nang magtanong ang kaniyang step-mom. Tiningnan niya ito at ngumiti nang tipid.

“Just fine,” tipid niyang sagot.

“Hmm, buti naman. Nagustuhan mo ba ang ipinabaon ko sa ‘yo kanina? How was it? I learned it from my nanny before,” sambit nito. Kumikinang pa ang mga mata. Tila excited sa isasagot ng anak.

“Mommy, hindi mo maman kailangang gawin ‘yon. You woke up so early just to bake those cookies for me. I’m fine, saka marami namang pagkain sa cafeteria,” sagot niya rito.

“No, my dear. Ikaw ang nag-iisang princess namin ng daddy mo. Hindi pwedeng basta-basta ka na lang kakain sa gilid-gilid. I get it na maganda ang school mo but still. Nothing beats mom’s cookies, right?” giit nito.

Tumango lamang si Naya at nagpaatuloy sa pagkain.a

Erlinda Torres. A known celebrity on her prime. Tumigil nang mapangasawa ang daddy niya. Stepmom niya ito. To prove her undying love for her and her dad, she decided not to get pregnant. Talagang kinareer nito na sa kanilang dalawa lang iikot ang mundo niya. She’s well off, but medyo may pagka-dense ang utak. All in all, she’s kind, flirty, and responsible naman sa kanila. Erlinda married her father when she was six years old. Minahal niya rin ito na parang tunay niyang ina dahil hindi nito ipinaramdam sa kaniya na pabigat siya or what. Ipinagmamalaki siya nito sa mga amiga nito at sa mga gatherings. Kaya hindi niya ramdam na may kulang sa kaniya. Erlinda stood up for her. She loves her.

“Oo nga pala, nagkausap kami ng amiga ko. Remember Irene? Congressman Zabala’s wife? Iyong anak niya ay senior mo. He’s gwapo ha. Nasabi nga niya na nakita ka raw ng anak niya. Siguro he took a liking to you kasi naman. Look at my daughter here, sino ba ang hihindi sa ganda? Mana talaga sa mommy,” anito at napapunas pa sa mata niya.

“Mom,” aniya rito. Magda-drama na naman kasi eh.

“Kasi naman, I still remember how young you are before. I always combed your hair for how many years pero ngayon may crush ka na. You’re no longer my baby. Magiging baby ka na ng maswerteng poging future boyfriend mo. I can’t accept it, just thinking of it makes my heart ache,” anito at uminom ng juice.

Minsan talaga hindi niya matantiya ang ina. Minsan inu-urge siya na magpakilala na ng boyfriend. She’s not into men for now. Focus siya sa pag-aaral niya. She knows she had too much time ahead. Ayaw niyang magmadali. Ang dami pa niyang gustong abutin. She wanted to go out of the country with her whole family. Gusto pa niyang bumawi sa daddy at mommy niya. Tapos ngayon, hindi pa naman sure na nagkagusto ang anak ng amiga niya sa kaniya heto’t lumuluha na ang mata.

“Stop being dramatic, mom. I have priorities in life. Saka hindi naman sure kung may gusto sa ’kin ‘yon. Saka I’m young pa naman. I’m just nineteen,” giit niya rito.

“That’s why! Dear, never have I ever heard that you have a crush before. Hindi ko man lang narinig sa mga classmate’s mo noon na nagka-crush ka. It’s so boring baby ko. You need to experience the pleasures of life too. Not the explicit one. But the happy heart one. Ang saya kaya magkaroon ng teenage crush. Normal lang naman ‘yon,” anito.

“But I do have one,” sagot ko.

Kaagad na nanlaki naman ang mata ng mommy niya.

“Really? Sino? Sabihin mo kay mommy, bilis!” excited nitong wika. Kumikinang pa talaga ang mata. Napailing na lamang si Naya.

“I like Cillian Murphy,” she answered.

Kagyat na natigilan ang ina niya saka umayos sa pagkakaupo.

“Girl, that’s an actor. What I mean is, iyong nasa malapit lang. Like schoolmates, classmates, ganoon,” saad nito.

Nagkibit-balikat na lamang siya rito.

“Come on, baby. I promise you, kapag nakahanap ka na ng lalaking magpapatibok sa puso mo paniguradong mawiwindang ka. You’ll realize that what I’ve been mumbling is true,” sambit nito.

“Nakakabuang po ba?” nakangiting tanong niya rito.

“Of course! But you’ll know when that someone is the right one,” saad nito at tila nag-daydream pa.

“Really? How will I know it?” she seems interested.

“Hmm, well…Hindi ko rin ma-explain eh. Alam mo ba? Nu’ng makita ko ang daddy noon, sabi ko hindi ako mai-in love sa isang single dad. Kasi ang momy ko noon nagloko ‘di ba? Pinagpalit kami sa single dad. So, naging mantra ko siya sa buhay. Pero hindi eh, talagang sinampal ako ng tadhana at hindi na ako nakabangon pa. Sinubukan kong labanan ang pait ng mundo pero sa brief ako ng daddy mo napunta. Hindi ko ginusto pero kasi eh, may kakaibang powers ang daddy mo. May amoy, at sa amoy na iyon ay tuluyan na akong nadale. Kaya heto ngayon, may mommy kang ubod ng ganda at talino,” kwento nito.

Natawa naman si Naya. Heto na naman, nagsimula na naman ang mommy niya.

“Naya, malalaman mo lang na iyon na ‘yon kapag nagchika ka sa ‘kin. Siyempre, hindi pwede na basta-basta na lang nilang maaangkin ang sweet yes mo no. Kailangan nating kilatisin at baka makalusot ang mga kalahi ni Hudas at Barabas. Hindi sila welcome sa bahay na ‘to. Mayaman. matalino, gwapo, at higit sa lahat mabait ang bagay sa ’yo. You deserve all the best. All the good things in life. You deserve the life that I have right now too. Much better than my life. You deserve someone that will love you wholeheartedly. Huwag kang papatol sa broke na nga, pangit pa, idagdag pa na asa sa magulang, okay? Been there, ginawa pa akong sugar mommy. But don’t worry, malandi man sa tingin ng mga haters and reporters, never been touch ito nang maikasal sa daddy mo. The mountain down there is still a virgin you know. Pero ngayon hindi na, kinaingin na eh,” sambit nito.

“Mommy,” saway niya rito.

Natawa naman ito.

“Ano ka ba? Relax dear, that’s normal. Hindi ka na minor. I’m just telling the truth.”

“You’re too blunt,” busangot niyang wika.

“Susko! Ang inosenti naman ng anak ko. Mas mabuti na ‘yang deritsa para naman maintindihan mo kaagad. Anak, hindi bale na kung ang tingin sa atin ng mga tao ay malandi, huwag lang pakarat, okay? Hindi natin makokontrol ang sasabihin nila, pero makokontrol natin ang sarili natin na gumawa ng kagaguhan, understand?” asik nito.

Tumango naman siya para matapos na dahil paniguradong wala itong planong tumigil.