CHAPTER 28

Lubos ang kasayahang nadarama ni Loisa ng pumarada na sa garahe ng mansion ang kanilang saksakyan.

“Sa wakas makikita ko na rin ang anak ko,”nakangiting bulong niya sa sarili.

Sa unang pagkakataon ngayon lang nangyari sa kanilang mag-ina ang magkawalay nang matagal kaya sobrang saya niya ng masilayan ang masayang mukha ng anak.

“Inay! Inay!” Masayang salubong ni Loyd sa ina.

“Oh, dahan dahan iho baka madapa ka,”saway naman ni Nanay Marie na halos patakbong nakasunod sa bata.

“Mommy!” Nakangiti ring salubong ni Bianca.

Mabilis na lumabas si Loisa ng sasakyan nang makita ang dalawang bata na masayang tumatakbo papunta sa kanilang direksiyon.

“Oh, dahan-dahan kids,”sabi ni Loisa.

Ibinuka ni Loisa nang malapad ang dalawang kamay upang sabay na masalo ang dalawang batang nag-uunahang mayakap siya.

Nang halos magkasabay na napayakap ang dalawang bata sa kanya ay muntikan pa siyang ma-out of balance, mabuti na lamang at mabilis na umalalay si Steve sa kanyang likuran. Napayakap na r