Chapter 51 - His New Life

"Dada! Dada!" Ang boses na iyon ng kan’yang anak ang bumungad kay Kenji pagkapasok pa lamang niya sa kanilang bahay. Pagod siya mula sa ilan araw na international flight, pero ang makita lamang ang munting anghel niya ay nakakawala ng lahat ng pagod niya.

Patakbo na lumapit sa kan’ya ang bata na nakabukas pa ang mga bisig at nagpapakarga na agad sa kan’ya. Ito ang lagi na salubong sa kan'ya ng paslit. Ngiting-ngiti ang bata at humahagikgik pa papalapit sa kan’ya. Binitiwan niya ang kan’yang maleta at lumuhod kasabay sa pagbukas din ng kan’yang mga bisig para sa kan'yang anak. "How’s my baby boy?" tanong pa niya.

Mainit na yakap ang sinalubong ng bata sa kan’ya, kasabay sa paghalik nito sa kan’yang pisngi. Niyakap rin niya ng mahigpit pabalik ang anak niya habang hinihimas-himas pa ang likuran nito. "Dada, Kiro is a big boy now. But I still miss you."

"Dada is a big boy also. But I also miss you, Kiro." Tumayo siya at binuhat ang anak. "Dada has a lot of gifts for you from my trip."