Chapter Twenty One

[ AMIEL ]

  - Saturday., February 19, 8:07 am

"Doon nga raw sa pinakababang cabinet 'di ba?!"

"Malay ko ba! Ang tagal na kaya nating hindi nakapunta dito!"

"Shh! Natutulog pa 'yong may-ari ng bahay, 'wag kayong maingay diyan!"

Matapos marinig ang ilang sigawan at pananaway, ay agad na kumunot ang noo ko at unti-unting idinilat ang aking mga mata.

Sumalubong sa akin ang sahig ng sala ko, na nilatagan ng ilang comforter at may mga nakakalat pang unan at kumot sa gitna nito.

Napakurap na lang ako nang mapagtanto na sa sofa pala ako nakatulog kagabi at hindi na nagawa pang makabalik sa kwarto ko.

Hinihintay ko kasi 'yong tatlo na maka-uwi para matuloy 'yong pinag-usapan namin ni Rome, but I guess I'm already asleep even before they could arrive.

Inilibot ko ang aking paningin sa paligid at nakita ang tatlo kon