Kabanata 30: New Rules

Tahimik na pumasok ang grupo nila Hagan sa cafeteria habang pinagmamasdan ang mga kaeskwela na lubos na ginagasta ang laman ng golden card na ibinigay sa kanila ng kani-kanilang mga guro. Pero hindi naakit ang grupong ito sa mga nakikita, sa halip ay mas tibay pa nila ang kanilang loob para hindi matuko sa mga nakikita. Bagay na naging tagumpay dahil umalis ang siyam na magkakagrupo sa counter na sapat lamang ang dalang pagkain sa kanilang mga tray na ibinigay ng mga diwatang nagtratrabaho sa kusina ng Akademia.

Nang makakita ng isang bakanteng lamesa si Mischa ay madali niyang sinipulan ang mga kasama upang umupo roon nang magkakasama. Bagay na ikinakasya naman nila dahil sa may habaan ang kutdradong kainan sa cafeteria na iyon para sila’y magkasya.

“Magaling ang ginawa niyo, guys,” unang puri ni Hagan sa lahat na takam na takam na sa mga grupo ng pagkaing kanilang kinuha. “Alam kong hindi kami sigurado sa mga napagusapan nating lahat t