Chapter 14: Rod

Mariing nakatitig si Rodrigo Navarro, o Rod sa mga nakakikilala sa kaniya sa mga taong sumasayaw sa gitna ng dance floor. May ilan na siyang natatanaw sa gilid-gilid ng club na mga magkakaparehang nag-uumpisang uminit ang gabi. Hindi na nakapunta sa mga silid ang mga ito at doon na lamang piniling magtagpo.

Wala naman itong problema kay Rod. Ngunit lahat na lang ata ay napapansin niya ngayon. Wala sanang problema ang pera sa kaniya. Sa dami ng kanilang mga negosyo. Mapa-legal o illegal ay buhay na kahit magkaapo pa siya. Hindi niya lang matanggap ngayon na naisahan siya ng kaniyang tauhan. Naikuyom niya ang kaniyang kamao.

Si James. Pinagkakatiwalaan pa naman niya ang lalaking ito dahil halos ituring na niya itong kapatid. Ngunit trinaydor lamang siya nito.

“Gov. Do you want to have some fun too?” mapang-akit na tanong ng isang babaeng kanina pa idinidikit ang malalaking dibdib sa braso ni Rod.

Humithit mula sa sigarilyong hawak niya si Rod at tiningnan ang babae. Agad na ngumiti a