KABANATA 54

Sky's POV

A few years ago...

Ang gusto niyang gawin ay magpakalunod sa alak hanggang mawalan ng ulirat.

Hindi niya magawang magwala hanggang sa maging manhid ang pakiramdam niya. Ang gusto niya na lang ay lumayo at tuluyang kalimutan ang dahilan ng pagkawasak ng puso niya.

Handa na sana ang lahat.

Magpo-propose na siya ng kasal kay Braille sa araw din ng graduation niya. Ayaw na niyang lokohin ang babae sa kasal na huwad.

Sa tuwing inaangkin niya ang katawan nito ay ando'n ang guilt. Dahil alam niyang buong pusong isinusuko ni Braille ang sarili sa pag-aakalang asawa na nga siya nito.

Akala niya ay totoong minahal na siya ni Braille at hindi lang puppy love na gaya ng inakala niya dati.

Wala siyang panahong tumambay sa kung saan maaari niyang lunurin ang sarili sa alak.

Mas malaki ang kagustuhan niyang umalis na ng Pilipinas at iwan ang alaala ng sugatang puso.

Hindi maalis-alis sa isip ang tagpong naabutan sa condo.

Si Braille na nakahiga sa kama na walang damit base sa pagkaka-expo