[Special Chapter 10]

Zandy's POV [The Accident]

NAPAPANGITI na lang ako habang nakikita ko ang pagkataranta ni Miles sa tuwing nilalapitan ko siya at nagpapanggap na sweet kami sa harap ng mga kaibigan at katrabaho niya. Hindi ko maintindihan ang sarili ko pero may saya akong nararamdaman sa tuwing nakikita kong naiinis siya sa akin sa pang-aasar ko. Nahihiya siya sa ginagawa ko kaya pati pisngi niya namumula na hindi ko mawari kung bakit ang cute niyon sa paningin ko.

Maaga pa lang nang dumating ako sa Publication na pinagtatrabahuhan ni Miles para sa gaganaping photoshoot para sa magazine cover kung saan ako ang feature roon bilang anak ng isang bilyonaryong pamilya na nagmamay-ari ng isang sikat na gaming company sa bansa.

Nang pumasok si Miles sa silid ni Troy, agad na nakuha ko ang atensyon niya at hindi nakaligtas sa paningin ko ang pagkagulat niya at pagtataka kung bakit nandoon ako. Mas nagulat pa siya nang sabihin ni Troy na kailangan niyang sumama sa akin sa studio para i-assist niya ako sa ph