Chapter 11

Sinubukan kong alalahanin si Tina pero masyadong malinis ang pagkawala ng memorya ko. Kahit kasi kaunti ay wala akong matandaan tungkol sa kanya.

“Pero desisyon mo naman ‘yan sis. Basta ‘ko happy dahil babalik ka na. For sure, matutuwa rin ‘yung iba nating ka-team. Tara sa loob!” biglang aya ni Tina. Naalala ko ang huling bilin ni Mr. Coldwell sa ‘kin. Tatanggi sana ako kaya lang ay nahila na niya ‘ko papunta sa mga office cubicle.

Dito’y halos sabay-sabay nagtaas ng tingin sa direksyon namin ang ilang empleyado; karamihan ay mukhang nabigla ring makita ako. Palagay ko’y sila ang mga nakatrabaho ko noon base sa reaksyon nila. Kumusta kaya akong katrabaho?

“Oh my God, Ali! You’re back!” sigaw ng isa sa kanila na unang tumayo at tumakbo palapit sa ‘kin. As a crossdresser, I think it’s safe to assume that he’s my gay friend. Niyakap niya ako katulad ni Tina kaya tingin ko close kami.

Nagsunud-sunod na ring lumapit ang iba pwera sa isang babaeng sumulyap lang ng isa sa ‘kin bago itinu