Chapter 11

Warning: May mga eksena na hindi angkop sa mga bata. Gruesome scene ahead. Please read with caution.

///

Hindi pa tumitilaok ang tandang pero mulat na ang mga mata ni Jenica. Kahit sa pagtulog ay suot niya pa rin ang maskara. Mahirap na. Hindi pa naman kumatatok sa pinto ang aksidente. Umihip ang malamig na hangin papasok sa bukas na bintana at sinayaw niyon ang kurtina na hinawi ng isang kamay.

*Blag*

May mahinang yabag na narinig sa loob ng kuwarto nang lumapag ang isang nakaitim na lalaki. Mabilis na kumilos ang kamay ni Jenica. Naglabas siya ng dagger at binato iyon sa direksyon ng bagong dating.

Umiwas ito. "Agent J, ako 'to!" boses ni Carlos.

Naningkit ang mga mata ni Jenica saka tumakbo tungo sa kawatan. Nanlaki ang mga mata ni Carlos at mabilis na umiwas sa paparating na kamao ni Agent J. Bumuka ang kamao at akmang didikit ang dalawang daliri ng babae sa vital points niya nang agad niyang tinaas ang kamay para dumepensa.

Nagpalitan sila ng suntok nang ilang minuto bago hi