Kabanata 13: Sikreto

Iris

Matapos sabihin ni Devron 'yon ay hinawakan na niya ako sa kamay. Nagpaalam at handa na sana kaming umalis ng hawakan ni Santino ang isang kamay ko at pinigilan kami.

"Ako na ang maghahatid sa kaniya dahil ako naman ang nagdala sa kaniya dito," seryosong saad ni Santino na ngayon ay deretso ang pagkakatitig kay Devron.

"Bakit mo pa siya ihahatid kung naandito na ako, Buenavista. Ako na ang bahala sa kaniya," ganti naman ni Devron at malakas akong hinigit papalayo sa mga Buenavista.

Habang naglalakad kami papunta sa sasakyan ni Devron ay nakatitig lamang ako sa kaniya. Sobrang kalmado niya pero ramdam ko na ang namumuong tensiyon sa aming dalawa.

Oplan Iris 101: Ihanda ang sarili kay Devron mamaya pag-uwi, paniguradong may World War 3 na magaganap.

Binuksan niya ng marahan ang pinto at pinapasok na niya ako. Habang nagsusuot ako ng seatbelt ay sinimulan na niyang paandarin ang sasakyan niya.

Kaya ang ginawa ko na lamang ay tumingin sa labas at pinapakiramdam ang katabi ko ngayon na