Kabanata 14: Huli

Iris

Nang sabihin 'yon ni Mr Montecillo ay hindi ko sinasadyang mabitawan ang hawak kong tinidor at napahawak sa noo ko. Gusto kong magmura pero nakakabastos iyon lalo na at kaharap ko ang magulang ni Devron na ngayon ay seryosong-seryoso sa nalaman nila. Hindi ko maiwasang mapahawak sa noo ko at napatayo.

Sa akin tuloy lahat napatingin dahil sa ginawa ko. Si Devron ay napatingin din sa akin at hinihintay ang gagawin ko. Kaya hilaw akong napangiti at nagsalita.

"May pag-uusapan lang po kami ni Devron." Dahilan ko at palihim na tiningnan si Devron na mahinang tumango at tumayo.

Hindi na ako lumingon at dire-diretsong binuksan ang isang sliding door papunta sa garden nila ngayon. Nang marinig kong isinara na ni Devron ang pinto ay humarap ako sa kaniya.

Nakita kong nakatingin pa sa amin ang magulang ni Devron pero hindi ko na lamang muna ito pinansin at napasigaw na lamang sa narinig kanina.

"Ang bobo talaga!" Nanggagaliting sigaw ko at malakas na napapadyak sa damuhan, habang si Devron