Chapter 17: Captive

Captive - a person who has been taken prisoner.

═════════ •°•⚠•°• ═════════

Ilang minuto ang lumipas hanggang sa huminahon si Molly, masama sa kanya ang ma-stress dahil kakagaling niya lang sa surgery kaya minabuti nyang pigilan ang labis na pag-iyak. Nakatulala lang ito sa litrato ni Shin na para bang wala siya sa kanyang sarili, dahil sa dami ng pumapasok sa isip niya.

Nakaluhod din sa tabi niya si Hyeli na naghahanap ng tiyempo para maka-usap siya tungkol sa nangyari, huminga ito ng malalim para magkaroon ng lakas ng loob, "Patawarin niyo po ako kung hindi ko magawang sabihin, inisip ko lang ang kalagayan niyo dahil siguradong hindi din gugustuhin ni Jiyoung na-"

"Nandoon siya…" bulong ni Molly, dahilan kung bakit natigil sa pagsasalita si Hyeli.

"Po?" Lumapit siya ng konti para pakinggan ang sinasabi nito.

Ngumiti ng mapait si Molly at humarap sa kanya, "Noong hinatid mo ako sa operating room…" Kinagat nito ang labi para pigilan an