Chapter 38

Chapter Thirty-eight

"OMG! As in omg!" Napalingon si River sa pinanggalingan ng boses. Gusto man niyang namnamin ang kakatikim lang na labi ay hindi niya magawa dahil sa may nakakita pala sa kanila ni Maris.

"V-vookie..." lumabas sa bibig ng pulang-pulang si Maris. Nakita rin nito ang naging saksi ng paghalik niya sa dalaga.

Nakamulagat pa rin ang mga mata habang pinapaypayan ni Vookie ang nakabukang bibig na tila napaso iyon. "Promise, wala akong nakita! Promise, hindi ko 'to sasabihin kay Mrs. Onggoco na nakikipaglandian ka rito habang ako ay nambabasura! Promise, walang malalaman si Professor Pulumbarit at hindi ko sasabihin sa kanyang lumalandi ka sa tutor mo! Promise, dahil hindi ko ipagkakalat na may spg sa nurse station at promise, hindi ko ikakalat ang video nyo!" Tuloy-tuloy ang tila tren na bibig ni Vookie. Sabay tago sa hawak na cellphone.

Gustong murahin ni River ang sarili. Nakuhanan ni Vookie ang paghalik niya kay Maris. Kapag kumal