Chapter 33

Chapter 33: Detective Rivero

-

"Cheers para sa first case solved ni Detective Chievez!" masayang sabi ni Captain Bert na itinaas pa ang hawak niyang C2.

Itinaasan fin namin yung hawak naming C2 at pinagbunggo ito saka ininom. Bawal daw kasi silang mag beer kasi lagot sila sa mga asawa nila pagnalaman na nagsi-inom sila, bale gabi na kasi, mga pasado alas-syete na.

"Kap nag-text na si Misis, kailangan ko ng umuwi," paalam ni Detective Rico na kumamot-kamot pa sa ulo.

"Ako rin," sabi rin ni Detective Ronald.

"Sige na, uuwi na rin ako hinahanap na ako ng anak ko." Si captain.

"Sama na ako," usal ni Detective Robert na tumayo na.

"Oh siya mauna na kami Lisa," pagpapaalam ni Kap na ikinatango ko naman.

Nagsilakad na sila palabas at nagsipara ng taxi, nag-away-away pa nga sila kung sino ang mauunang sasakay.