Chapter 5

Sa lumipas na anim na taon ay marami pa ring mga gamit si Mikaela na nananatili sa loob ng kaniyang bahay. Ilang gamit niya lang ang kinuha niya roon nang umuwi siya ng Pilipinas tulad na lang ng ilang damit, basic necessities at ilang mga babasahing libro.

Matapos ang kasal nila ni Benedict sa Amerika, hindi siya nagmintis sa pagbibigay ng pera buwan-buwan para sa share niya sa expenses para sa kanilang anak. Nahahati ang kinikita niya sa pagtatrabaho sa Pilipinas para sa sarili at para sa anak niyang si Lilia. Ang tanging ginagamit niya lang ay ang ipon niya sa card para sa kaniyang sarili at ni minsan ay hindi niya ginalaw ang ipon niyang pera sa card para sa kaniyang anak.

Masyado niyang mahal at pinahahalagahan ang kaniyang anak nang sobra-sobra na kahit sinong ina ay ganoon ang mararamdaman. Hanggang kaya niyang ibigay ay ibibigay niya para dito manatili lang na masaya ito sa buhay at kuntento. Madalas ding binibilhan niya ito nang kung anu-anong gamit sa tuwing lalabas siya upang mgshopping. Bumibili siya ng mga damit, sapatos, at kung anu-ano pa na babagay rito.

Para naman sa sarili niya, sakto lang ang binibili niya para sa pang-araw-araw niyang pangangailangan. Mas importante pa rin para sa kaniya na maibigay ang pangangailangan ng asawa at anak kaysa sa sariling pangangailangan. Gusto niya kasing maibigay ang lahat ng kaya niyang ibigay para sa mga ito. Maging ang ibinigay sa kaniya ni Benedict ay inilalaan niya lang din sa pagbili ng iba pang gamit para sa mga ito.

Sa ngayon, kaunti na lang ang natitirang pera sa ipon niya. Mula nang manatili si Lilia sa poder ng kaniyang asawa sa Amerika ay doon lang siya naglaylo sa pagbili ng mga gamit ng anak lalo pa at alam niyang iba ang expenses doon kumpara sa Pilipinas. Kung ang dollar ay gagamitin doon sa Amerika tiyak niyang mabilis lang din itong mauubos ngunit kung dito sa Pilipinas ito gagamit ay nakatitiyak siyang marami na siyang mabibili.

Thirty million pesos na lang ang natitira sa card niya bigay naman ni Benedict kaya kahit kailan ay hindi pag-iinteresang kunin ng asawa niya iyon. Para dito kasi maliit na halaga lang iyon ngunit para kay Mikaela hindi ito basta basta maliit na halaga lang.

Dahil kay Benedict naman nanggaling ang perang iyon para sana sa kaniya ay walang pagdadalawang isip na ibinalik niya na ito sa kaniyang asawa.

Kinuha niya na lang ang card niya at card ng kaniyang anak bago muling hinila ang kaniyang maleta nang wala ng lingon-likod.

May bahay siyang ipinatayo sa Pilipinas hindi kalayuan sa pinagtatrabahuhan niya. Hindi man iyon kalakihan ngunit sapat na iyon para sa kaniya. Binili niya ang bahay na iyon apat na taon na ang nakararaan para sana pansamantalang matirhan ng kaniyang kaibigang naglayas noon.

Ngayon, wala ng ibang nakatira doon. Noon, napapanatili ang kaayusan ng bahay may nakatira pa roon. Araw-araw itong nalilinisan at regular ding naaayos ang mga sirang parte ng bahay. Ngayon, naman ay makikitaan na ito ng mga alikabok at agiw dahil sa tagal na walang nakatira.

Nagpasya siyang linisin ang buong bahay upang doon na tumira. Hindi naman ganoon kahirap ang naging paglilinis niya dahil hindi naman din ganoon kalakihan ang bahay.

Matapos ang nakakapagod na maghapon ay hindi na namalayan ni Mikaela ang oras. Alas diyes na noon kung kaya nagpasya na siyang maligo at pagkatapos ay nagtungo sa kwarto upang magpahinga at matulog.

Napamulat si Mikaela sa himbing ng kaniyang pagkakatulog nang marinig niyang tumunog ang alarm. Dahil sa biglang paggising ay tila nablangko naman ang utak ni Mikaela pansamantala. Ngunit nang makabalik din ang kaniyang ulirat at napansin niya ang oras na alas una pa lang doon ng gabi kumpara sa oras nina Benedict at Mikaela sa Amerika na tanghali na. Madalas ay ganoong oras sila nag-tatanghalian ng anak niyang si Lilia. Madalas niya ring tawagan ang anak sa ganoong oras simula nang manatili ang mga ito sa Amerika.

Iyon nga lang, nakasanayan niya ng iset ang kaniyang alarm ng ganoong oras dahil ayaw niyang magmintis sa pagbibigay ng oras para sa anak. Kahit pa pagod siya galing sa trabaho ay tinitiyak niyang makakatawag pa rin siya rito para hindi maputol ang komunikasyon nilang mag-ina. Nooong unang magkalayo sila ng anak, ay panay ang pagtawag niya rito at paminsan siya pa ang tinatawagan nito dahil miss na miss siya nito. Ganoon din naman ang pananabik niya sa anak, pero hindi naglaon ay unti-unti nang nagbago ang ugali ng anak maging ang pakikitungo nito sa kaniya habang kausap niya ito sa cellphone. Ang dating pananabik nito sa kaniya ay mabilis na napalitan ng pagkainip at irritable katagalan.

Sa totoo lang, alam ni Mikaela na wala ng dahilan para magset pa siya ng alarm sa ganooong oras. Napangiti na lang siya nang mapakla at saka tinitigan ang kaniyang cellphone. Nagdadalawang isip pa siya kung idedelete ang alarm na iyon ngunit sa huli ay ginawa niya pa rin at saka pinatay ang kaniyang cellphone.

Sa kabilang banda naman, halos katatapos lang nina Benedict at Lilia na magtanghalian. Alam na ni Benedict na tiyak na tatawag si Mikaela kay Lilia makausap ang kanilang anak nang mga oras na iyon. Bagamat hindi sa lahat ng oras ay nasa bahay siya kaya hindi niya iyon masyadong pinagtutuunan ng pansin pero nang araw na iyon ay hindi siya nakatanggap ng tawag mula sa asawa. Napansin niya iyon ngunit kaagad niya rin namang binalewala. Kaagad siyang nagtungo sa silid at nagpalit ng kaniyang damit.

Napansin naman ni Lilia na tila hindi na interesado ang mommy niya na makipagchat sa kaniya. Hindi na rin ito tumatawag sa kaniya gaya ng nakasanayan niya. Naisip niya na lang na marahil ay delayed lang ang magiging tawag nito kaya napairap na lang siya bago dinampot ang kaniyang school bag at nagtungo palabas ng pinto.

Napansin naman kaagad iyon ng yaya nitong si Ester kaya mabilis nitong sinundan ang alaga, “Mam, maaga pa po, mamaya pa po ang pasok ninyo!”

Hindi naman ito pinakinggan ni Lilia at masaya lang na tumakbo palabas. Alam niyang hindi nagmimintis sa oras ng pagtawag ang kaniyang ina kaya paniguradong mayroon lang itong ginawang importante kaya hindi nakatawag sa kaniya ng sakto sa oras. Alam din ni Lilia na kapag hindi siya lumabas kaagad tiyak na maya-maya lang ay tatawag na ito sa kaniya at kukulitin siya sa chat at ayaw niyang mangyari iyon.

***

Matapos ang kasal ay nagpasya si Mikaela na mapabilang sa Sandoval Group. Nagpasya siyang mapabilang sa grupong iyon nang dahil lang kay Benedict. Ngayong nagpasya na siyang makipagdivorce sa asawa ay wala na siyang ibang dahilan pa para manatili pa sa grupong iyon.

Kinabukasan ng umaga, nang makarating sa kompanya, kaagad na inabot ni Mikaela ang kaniyang resignation letter kay Jilian.