Chapter 6

Si Jilian ay isa sa mga personal na sekretarya ni Benedict. Nagulat siya nang makita ang resignation letter mula kay Mikaela. Isa siya sa iilang nakakaalam ng malalim na kaugnayan nina Mikaela at Benedict sa isa't isa. Sa lahat ng nakakakilala kay Benedict, alam nilang hindi si Mikaela ang itinitibok ng puso nito. Matapos ang kasal nila ay nag-iba na ang pakikitungo nito kay Mikaela at madalang na lang umuwi sa bahay. Sa kagustuhan ni Mikaela na mapalapit kay Benedict, nagpasya siyang magtrabaho sa Sandoval Group. Ang tanging goal na naiisip niya ay maging personal assistant nito ngunit hindi iyon nangyari dahil tinutulan iyon kaagad ni Benedict. Sa huli, wala na siyang choice kung hindi mapabilang na lang sa isa sa mga ordinaryong sekretarya ng asawa. Noong una, nag-aalala pa si Jilian na baka gumawa ng eksena si Mikaela after mapabilang sa secretariat. Ngunit nasorpresa siya na hindi ganoon ang nangyarii. Hindi niya inexpect na tatahimik lang ito at maghihintay lang ng tamang pagkakataon. Ni hindi ito gumawa ng kahit anong gulo at eksena roon. Kung tutuusin ay kayang kaya nitong gamitin ang posisyon niya para mas mapalapit kay Benedict pero hindi nito iyon ginawa. Bagkus, pinagbutihan nito ang trabaho at seryosong tinutukan ang pagtatrabaho kahit pa buntis ito, may anak at kung ano pa mang sitwasyon. Napanatili nito ang pagsunod sa rules and regulations ng company at ni minsan ay hindi nanghingi ng special treatment. After few years of hardwork, nakamit ni Mikaela ang pagiging team leader ng secretariat.

Sa totoo lang ay ganoon na lang ang paghanga ni Jilian sa pag-ibig na ibinibigay ni Mikaela para kay Benedict kaya nga hindi siya makapaniwala ngayon na magre-resign ito voluntarily. Ngayon na nag-resign na ito, tiyak niyang may matinding nangyari sa pagitan ni Mikaela at Benedict na hindi niya alam.  Tingin niya pa ay inutusan ito ni Benedict para mag-resign.

Masipag at magaling sa trabaho, kahit naaawa siya para kay Mikaela, minabuti pa rin ni Jilian na maging professional sa harap nito at tinanggap ang resignation letter na inabot sa kaniya. "I received your resignation letter. We will look forward on someone to take over your job as soon as possible."

"Good," matipid na tugon lang ni Mikaela bago tumalikod.

Matapos magpakabusy, kaagad namang nagreport si Jilian ng kaniyang trabaho kay Benedict online. Halos patapos na ang kanilang pag-uusap nang maalala niya si Mikaela. "By the way, Mr. Benedict, about--"

Kahit pa sinabi niya kay Mikaela na maghahanap na siya ng taong papalit sa posisyon nito, gusto niya pa ring malaman ang magiging sagot ng kaniyang boss kung kailan paaalisin si Mikaela. Kung nais ni Benedict na umalis na si Mikaela kinabukasan, aayusin niya kaagad ang mga dapat ayusin sa araw ding iyon.

Ngunit nang akmang sasabihin na sana niya ang tungkol sa resignation ni Mikaela ay natigilan siya dahil naalala niya ang bilin ni Benedict noong unang araw pa lang na mapabilang ito sa kanilang company. Lahat ng bagay tungkol kay Mikaela ay hindi niya na kailangang ireport pa kay Benedict. Wala itong pakialam kay Mikaela. Sa ilang taong nananatili ito sa company, ni minsan ay hindi man lang nagtanong si Benedict ng kahit na ano tungkol sa kaniyang asawa. Sa tuwing nakakasalamuha niya ito ay para lang itong kung sinong hindi kilala.

Kung tutuusin ay nagpakita ng outsatnding performance si Mikaela in recent years. Two years ago, plano sana nilang ipromote si Mikaela kaya sinabi nila iyon kay Benedict kahit pa alam nilang ayaw na ayaw nito kay Mikaela. Para sa kaniya kung ayaw ni Benedict, hindi na nito pag-aaksayahan ng oras ang tungkol doon pero nakinig naman ito sa kanila. Iyon nga lang halatang hindi ito interesado sa bagay na iyon at ibinilin lang sa kanila na ayaw niyang makialam at hayaan na lang na sundin kung ano ang rules ng kompanya. Sinabi pa nitong huwag nang mag-aksaya ng oras na mag-report tungkol kay Mikaela.

Napansin naman ni Benedict na hindi na muling nagsalita si Jilian kaya nagtaka na ito, "is there any problem?"

Kaagad namang bumalik sa ulirat si Jilian at sumagot dito, "it's nothing."

Alam ni Jilian na batid na ni Benedict ang tungkol sa resignation ni Mikaela ngunit hindi na nito iyon binanggit sa kaniya, ibig lang sabihin ay wala talaga itong pakialam tungkol sa bagay na iyon. Wala talaga siyang pakialam kay Mikaela at kahit na anong ganap meron ito.

Kailangan na lang gawin ni Jilian ngayon ay ihandle ang sitwasyon according to the company regulations.

Nang maisip niya ang mga bagay-bagay na iyon, hindi na siya nagsalita pa hanggang sa narinig niya na lang na ibinaba ni Benedict ang video call.

***

"Ano bang nasa isip mo?"

At noon, tinapik ng katrabaho niya si Mikaela sa kaniyang balikat nang mapansin ang pananahimik nito.

"Nothing." Ngumiti lang si Mikaela at saka umiling.

"Hindi mo ba tatawagan ang anak mo ngayon?" muling tanong nito sa kaniya.

"Well, no thanks," matipid na tugon niya rito.

Lagi niyang tinatawagan ang anak niya twice a day at nakasanayan niya na rin iyon. Isa sa umaga at isa naman sa tanghali.

Lahat ng katrabaho niya sa opisina ay alam iyon. Ngunit wala silang ideya na ang tatay ng kaniyang anak ay ang big boss ng kanilang kompanya.